آوروپا بیرلیگی عربیستانی تورکیه ایله امکداش‌لیق ائتمه‌یه چاغیردی
آوروپا بیرلیگی سعودیه عربیستانینی جمال خاشقجی جینایتی ایله باغلی تورکیه ایله امکداش‌لیق ائتمه‌یه چاغیردی.
آوروپا بیرلیگی سعودیه عربیستانینی جمال خاشقجی جینایتی ایله باغلی تورکیه ایله امکداش‌لیق ائتمه‌یه چاغیردی.
آوروپا بیرلیگی کمیسیونونون سؤزچوسو Maja Kocijancic سعودیه عربیستانی ژورنالیستی جمال خاشقجی‌نین اؤلدورولمه‌سی جینایتی ایله علاقه‌دار آنادولو خبر آژانسینا موصاحیبه وئریب.
Kocijancic: "سعودیه عربیستانی رسمی‌لری‌نین مسئله‌یه دایر بوتون معلومات‌لاری تامین ائتمه‌سی و بو حادثه‌یه گؤره مسئولیت داشییان‌لاری محکمه قارشی‌سینا چیخارماسینی گؤزلییریک. بو، تورکیه رسمی‌لری ایله تام امکداش‌لیق چرچیوه‌سینده حیاتا کئچیریلمه‌لی‌دیر. آوروپا بیرلیگی پروسه سین باشیندان بری سعودیه رسمی‌لرینه شفاف و سرعتلی بیر سوروشدورما ایله جینایتی تحقیق ائتمه‌یه چاغیریب. مسئله ایله باغلی سعودیه رسمی‌لری ایله علاقه قورماغا داوام ائدیریک" دئدی.
قئید ائدک کی، ایستانبول جمهوریت باش ساووجیلیغی‌نین آچیقلاماسیندا: "مقتول جمال خشقچی 2 اکتبر 2018-جی ایل تاریخینده ائولی‌لیک مسئله‌لری اوچون گئتدیگی سعودیه عربیستانی‌نین ایستانبول باش کونسوللوغوندا داها اول‌دن ترتیب اولونموش پلان اساسیندا بینایا گیرر-گیرمز بوغولا‌راق اؤلدورولوب. جسدی یئنه پلانا اویغون شکیلده پارچا‌لانا‌راق محو ائدیلیب" دئییلمیشدی.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
