خدیجه چینگیز "رویترز"ه دانیشدی

سعودیه عربیستانی‌نین ایستانبول باش کونسوللوغوندا اؤلدورولن جمال خاشقچی‌نین نیشان‌لی‌سی خدیجه چینگیز سعودیه کونسوللوغوندا تؤره‌دیلن جینایتین مسئولیتی‌نین سعودیه‌نین رهبر وظیفه‌لری توتان شخص‌لری‌نین اوزرینده اولدوغونو بیلدیردی.

"رویترز"ه موصاحیبه وئرن چینگیز جینایته گؤره مسئولیت داشییان‌لارین محکمه‌یه چیخاریلما‌لارینی و جزالاندیریلما‌لارینی ایسته‌دی.

اینگیلتره‌نین پایتاختی لندن-ده تشکیل اولونان "جمال خاشقچینی یاد ائتمه" پروقرامیندا دا ایشتیراک ائدن چینگیز امریکانین پرزیدنتی دونالد ترامپا مراجعت ائده‌رک: "حقیقتین اورتایا چیخاریلماسینا و عدالتین برقرار اولماسینا کؤمک ائدین، جینایتین اوستونون اؤرتولمه‌سینه ایجازه وئرمیین" دئدی.

خاشقچی جینایتی‌نین سعودیه عربیستانی کونسوللوغونون بیناسیندا تؤردیلمیش بیر سوء-قصد اولدوغونو قئید ائدن خدیجه چینگیز: "بئله بیر جینایتین نئجه باش وئردیگینی یقین کی، سعودیه عربیستان‌لی رسمی‌لری بیلیرلر" دئدی.

جینایتین مسئولیتی‌نین ریاض رهبرلیگی‌نین اوستونه دوشدوگونو وورغولایان چینگیز مسئولیت داشییان‌لارین محکمه‌یه چیخاریلما‌لارینی و جزالاندیریلما‌لارینی ایسته‌دی.

دونیانین هر یئریندن اینسان‌لارین گؤستردیگی هم رای‌لیگه گؤره ممنون‌لوغونو دیله گتیرن چینگیز لیدرلرین سرگی له‌دیگی موناسیبتی ایسه "بؤیوک خیال قیریق‌لیغی" ایفاده‌سی ایله دیرلندیردی.