آمریکادا سلاحلی سالدیری

آمریکانین کنتاکی ایالتین‌ده سلاح‌لی سالدیری نتیجه‌سین‌ده ۲ نفر حیاتینی ایتیردی.

جفرسن‌تاون پلیس شئفی سام راجرز، بؤلگه‌ده بیر مارکت‌ده سلاح‌لی سالدیری باش وئردیگینی بیلدیردی.

راجرز، سالدیرقانین مارکتین ایچین‌ده‌کی بیر آداما دوغرو آتیش ائتدیگینی، آردین‌دان چیخارکن قارشیلاشدیغی بیر قادینی و پارک ساحه‌سین‌ده‌کی بیر کیشینی ووردوغونو ایفاده ائتدی.

مارکتین ایچین‌ده‌کی شخصین حادثه‌دن یارا آلمادان قورتولدوغونو بیلدیر‌ن راجرز، دیگر ایکی نفرین ایسه حیاتینی ایتیردیگی معلوماتینی پایلاشدی.

راجرز، سالدیرقانین گؤزآلتینا آلیندیغی حادثه ایله باغلی سوروشدورمانین داوام ائتدیگینی بیلدیردی.