پوتین ترامپ گوروشمه حاضیرلیغی

روسیا پرزیدنتی ولادیمیر پوتین امریکانین پرزیدنتی دونالد ترامپا نوامبرین 11-ده فرانسادا کئچیریله‌جک تدبیر زامانی گؤروشمه یی تکلیف ائتدی.

روسیا پرزیدنتی ولادیمیر پوتین اؤلکه‌سینه رسمی سفر ائدن امریکا پرزیدنتی‌نین میللی تهلوکه‌سیزلیک مسئله‌لری عذره موشاویری جان بولتون ایله کرملین-ده گؤروشدو.

ولادیمیر پوتین امریکانین آنتی باللیستیک راکت موقاویله‌سیندن چکیلدیگینی، بیر مودت اول ده اورتا منزیل‌لی نوکلئر  قوه‌لری موقاویله‌سیندن چکیلمه نیتینده اولدوغونو بیلدیک‌لرینی دئدی.

روسیانین دؤولت باشچی‌سی ایستراتژی سلاح‌لارین آزالدیلماسی موقاویله‌سی 3- اون (START-3) مودتی‌نین اوزادیلماسی مسئله‌سینده ده امریکا رهبرلیگی‌نین ناراحاتلیقلاریندان‌ و اوزای دا راکت علیهینه مودافعه سیستم‌لری یئرلش‌دیرمک نیتیندن ده خبردار اولدوق‌لارینی سؤیله‌دی.

پوتین: "بیلدیگیمه گؤره، امریکانین دؤولت آرماسیندا بیر قارتال تصویر ائدیلیر. قارتال بیر طرفده 13 اوخ، دیگر طرفده ایسه باریش سیاستی‌نین رمزی اولا‌راق 13 زیتون دنه‌سی‌نین اولدوغو زیتون بوداغینی توتور. سوالیم بئله‌دیر: "قارتال زیتون‌لاری یئییب، یالنیز اوخلار قالیب؟" دئدی.

امریکا ایله بیرباشا دیالوقون فایدا‌لی اولاجاغینی دیله گتیرن پوتین نوامبرین 11-ده فرانسانین پایتاختی پاریس-ده، بیرینجی دونیا محاربه‌سی‌نین باشا چاتماسی‌نین 100-جو ایلدؤنومو موناسیبتیله کئچیریله‌جک تدبیرده امریکا پرزیدنتی دونالد ترامپ ایله گؤروشمه یی تکلیف ائتدی.

بولتون ایسه ترامپین پوتین ایله پاریس-ده گؤروشمه‌یه شاد اولاجاغینی ایفاده ائتدی.

بولتون پوتین‌ین امریکا دؤولت آرماسی اوزریندکی زیتون بوداغی ایله باغلی سوالینا دا: "اومید ائدیرم کی، سوروشدوغونوز سوال‌لارا جاواب تاپا بیلرم، اما من زیتون بوداغینی و زیتون‌لاری یانیمدا گتیرمه‌میشم. اگر یادینیزدا‌دیرسا، زیتون بوداغی قارتالین ساغ پنجه‌سینده‌دیر و بو شکیلده نیی اوستون توتدوغونو نوماییش ائتدیریر" جاوابینی وئریب.