ترامپ، اؤلکهسینین روسیا ایله ایمضالادیغی نوکلئر آنلاشماسیندان چکیله'جگینی آچیقلاییب
ترامپ، نئوادا ایالتینده کئچیردیگی سئچیم قاباغی چیخیشینین آردیندان، ژورنالیستلره ائتدیغی آچیقلامادا، روسیانین آنلاشمانی پوزدوغونو مدافعه ائتدی
آمریکانین پرزیدنتی دونالد ترامپ، اؤلکهسینین روسیا ایله ایمضالادیغی "اورتا منزیللی نوکلئر گوجلری آنلاشماسیندان" چکیله'جگینی آچیقلاییب.
ترامپ، نئوادا ایالتینده کئچیردیگی سئچیم قاباغی چیخیشینین آردیندان، ژورنالیستلره ائتدیغی آچیقلامادا، روسیانین آنلاشمانی پوزدوغونو مدافعه ائدهرک،
ایللردیر پوزونتو ائدیردی و (اوّلکی) پرزیدنت باراک اوبامانین نه اوچون بو مسئله'نی موذاکیره ائتمدیگینی و یا نیه آنلاشمادن چکیلمدیگینی بیلمیرم". دئیه دانیشدی.
روسیانین نوکلئر بیر آنلاشمانی پوزماسینا و آمریکانین ایجازه وئرمدیگی سیلاحلاری ائتمهسینه ایمکان وئرمهیهجکلرینی بیلدیرن ترامپ،
بیز آنلاشمادا قالان طرف اولدوق و آنلاشمایا حؤرمت گؤستردیک، آنجاق روسیا تأسف کی بو آنلاشمایا حؤرمت گؤسترمهدی بو سببدن آنلاشمانی لغو ائدجگیک، آنلاشمادان چکیله'جگیک". ایفادهسینی ایستیفاده ائتدی.
ترامپ، روسیا و چین'ین یئنی بیر آنلاشما ایله گلمدیگی تقدیرده آمریکانین اؤز سلاحینی اوره ته'جگینی سؤیلهدی.
آمریکا ایله روسیانین، آوروپا و اوزاق شرقدکی موتتفیقلرینی قوروماغی هدفلهین اورتا منزیللی نوکلئر گوجلری آنلاشماسی، 1987ده واشینگتوندا ایمضالانیب.
آنلاشما، روسیا و آمریکانین منزیلی 300-3400 میل اولان قورودان آتیلان کونترول اولونان موشکی آلماسینی، اوره تمهسینی و یا تست ائتمهسینی قاداغان ائدیر.
آمریکا، روسیا تئز-تئز بو آنلاشمانی پوزماقدا گوناهلاندیریردی.