اینترپل-ون باشقانی ایستعفا وئردی

اولوسلار آراسی پولیس تشکیلاتی – اینترپل-ون باشقانی منگ هانگوی اوکتبرین 7-ده ایستعفا وئریب.

بو باره ده اینترپل معلومات یاییب.

حاضیردا گونئی کره وطنداشی کیم یونگ یانگ باشقانلیق وظیفه‌لری‌نین ایجراچی‌سی تعیین ائدیلیب. یئنی باشقان نوامبردا  دوبی-ده باش مجلیسی‌نین ایجلاسیندا سئچیله‌جک.

قئید ائدک کی، منگ هانگوی ین کئچن آی چین-ده قانون‌لاری پوزدوغو شوبهه‌سیله سوروشدورما اولوندوغو آچیقلانمیشدی.اینترپل طرفیندن اوکتبرین 5-ده یاییلان معلوماتدا کئچن آی فرانسا‌دان چینه گلن منگ هانگوی ین ایتکین دوشدوگو و اوندان خبر آلینا بیلمه‌دیگی قئید ائدیلمیشدی.

اونون ایتکین اولدوغو ایسه اینترپل مرکزی‌نین ده یئرلشدیگی فرانسانین لیون شهرینده یاشایان حیات یولداشی‌نین جمعه گونو پولیسه مراجعتی نتیجه‌سینده اورتایا چیخدی.

منگ هانگوی 2016-جی ایلین نوامبر آییندا اینترپل-ون باشقانی سئچیلیب.