گونئی کوره: قوزئی کوره 20 ایله 60 قدر نوکلئر سیلاحینا صاحیب

گونئی کوره'نین بیرلشمه ناظیری چو میوونگ-گیون، قوزئی کوره'نین 20 ایله 60 قدر نوکلئر سیلاحینا صاحب اولدوغونون تخمین ائدیلدیگینی سؤیله‌دی.

چو، پارلامنتده بیر میللت وکیلی‌نین سوا‌لی اوزرینه، قوزئی کوره'نین 20 ایله 60 قدر نوکلئر بومباسی‌نین اولدوغونو بیلدیریب.

بیرلشمه ناظیرلیگین‌دن ائدیلن آچیقلامادا، چونون ایفاده‌لری‌نین، گونئی کوره'نین قوزئی بیر نوکلر دولت کیمی گؤردوگو معناسینا گلمدیگی بیلدیریلدی.

گونئی کوره پرزیدنتی مون جائه-این ایله قوزئی کوره لیدری کیم جونگ، قوزئی کوره'نین باشکندی پیونگیانگ'دا کئچن آی بیر آرایا گلمیشدی.

ایجلاسین آردین‌دان یاییم‌لانان بیاناتدا، آمریکا‌نین لازیمی آددیم‌لاری آتماسی حالیندا، قوزئی کوره'نین یاریمادانین نوکلئر سیلاح‌لاردان تمیزلنیلمه‌سی موضوعسوندا داها چوخ آددیم آتاجاغی وورغولانمیشدی.

قوزئی کوره ایله گونئی کوره آراسیندا 1953-جی ایلده ایمضا‌لانان آتشکس ایله ساواش سونا چاتمیش اولسا دا بیر باریش آنلاشما‌سی باغلانمادیغی اوچون ساواشین تکنیک اولا‌راق ایندی ده سوردوگو قبول ائدیلیر.