ترامپ: منیم بیر عدالت باخانیم یوخ
"جف حاقیندا بؤیوک بیر خیال قیریقلیغی ایچیندهیهم"
آمریکا پرزیدنتی دونالد ترامپ، عدالت باخانی جف سشنزدان بیر چوخ قونودا ممنون اولمادیغینی،
"منیم بیر عدالت باخانیم یوخ. بو چوخ اوزوجو" سؤزلری ایله ایفاده ائتدی.
آمریکا "ده هیل" قزئتینه اؤزل موصاحیبه وئرن ترامپ، عدالت باخانی سشنز مسئلهسیندهکی راحاتسیزلیغینی بیر داها دیله گتیردی.
باشدا روسیا آراشدیرماسی اولماق اوزره سرحد گوونلیگی و باشقا بیر چوخ مسئلهده سشنزین آتدیغی آددیملاردان موتلو اولمادیغینی بیلدیرن ترامپ، اؤزللیکله اؤزونو روسیا سوروشدورماسیندان چکیلمهسینی قبوللنهمهدیگینی وورغولادی.
ترامپ،
"منیم بیر عدالت باخانیم یوخ. بو چوخ اؤزوجو. جف سشنز حاقیندا متاسفم، چونکو بوندان اؤنجه او منه گلدی. منی دستکلدیگینی آچیقلایان ایلک سناتور. عدالت باخانی اولماق ایستهدی، اما من بونو (ائتدیگینی) گؤرمهدیم دئدی.
سشنزی وظیفهدن آلیب آلمایاجاغی ایله باغلی سوالا دا جاواب وئرهن ترامپ،
"جف ایله بو ایشین نئجه گئدجگینی گؤرجهییک. جف حاقیندا بؤیوک بیر خیال قیریقلیغی ایچیندهیهم" دئیه دانیشدی.
داها اول ده ترامپین وظیفهدن آلاجاغی ادعا ائدیلهن سشنز، هله ده وظیفهسینه داوام ائدرکن، ترامپین سون چیخیشی سشنز اوچون "یولون سونونون گؤروکدوگو" شکلینده یوروملاندی.
ترامپین سئچیم کامپانیاسی دؤورونده اونا دستک وئرهن ایلک سناتورلاردان بیری اولان سشنز، باخانلیق وظیفهسینه باشلادیقدان سونرا روسیا سوروشدورماسینا قاریشمایاجاغینی آچیقلامیش و بو آددیمی ترامپین تپکیسینی چکمیشدی.