پوتین: "تورک آخینی، ماجاریستانا اوزانابیلر

روسیا پرزیدنتی ولادیمیر پوتین، تیکینتیسی داوام ائدن تورک آخینی گاز بورو کمری‌نین ماجاریستانا گئده‌جک‌لرینی دئییب.

ماجاریستان باش ناظیری ویکتور اوربان ایله موسکوادا کئچیردیگی گؤروشمه‌دن سونرا کئچیریلن مطبوعات کونفرانسیندا دانیشان پوتین،

روس گازی، ماجاریستان اراضی‌لرین‌دن کئچه‌رک آوروپایا چاتیر. ماجار تورپاق‌لارین‌داکی یئرآلتی آنبارلاری، ایستگین ان اوست سویه‌یه چیخدیغی دؤورلرده داهی آوروپا‌لی توکه'تیچیلره تهلوکه‌سیز و کسینتیسیز اولا‌راق گاز تداروک ائدیلمه‌سینی تامین ائدیر. ماجار طرفداش‌لاریمیزی روس گازینی آوروپایا داشییان یئنی مسیرلره داخیل ائتمه ایمکان‌لاری اوزرینده دایانیلیر. تورک آخینی تاماملاندیق‌دان سونرا بو کمرین قوللاریندان‌ بیری‌نین ماجاریستان‌دان کئچه'جگینی احتیمال خاریجینده توتمورام" ایفاده‌لرینی ایستیفاده ائتدی.

انرژی‌نین ایکی اؤلکه آراسین‌داکی امکداشلیغین اهمیت‌لی بیر ساحه اولدوغونو قئید ائدن پوتین، روسیانین ماجاریستانین توکه'تدیگی نفتین یوزده 75یندن، گازین دا یوزده 60ین‌دان آرتیغینی تداروک ائتدیگینی وورغولاییب.

اوربان دا، 2019-جی ایلده باشا چاتا‌جاق موجود آنلاشمانی 2020-جی ایله قدر اوزاتماغا مسئله‌سینده پوتینله آنلاشما الده ائتدیک‌لرینی دانیشدی.

ماجار باش ناظیر،

پوتین'ین دئدیگی کیمی، ماجاریستانین جنوب بؤلگه‌سین‌دن ماجاریستانا دوغرو تیکیلن گاز خطی‌نین اراضی‌لریمیزدن کئچمه‌سینی ایستدیگیمیز بیر سیرر دئییل. بو، ماجاریستان اوچون گؤزل بیر ایمکان اولا‌جاق. جناب دولت باشقانیندان بونو دوشونمه‌سینی طلب ائتدیم،" دئیه دانیشدی.

تورک آخی‌نیندا گاز آخینی‌نین دسامبر 2019دا باشلاماسی نظرده توتولور.

بورو کمری‌نین دنیزدکی بؤلومو روسیانین آناپا شهرین‌دن تورکیه‌نین کیییکؤی بؤلگه'سینه قدر قارا دنیز بویونجا تخمینن 930 کیلومتر بویونجا گئدیر.

پروژه‌نین دنیز بؤلومونون تیکینتی‌سی، روس شیرکت گازپرومون یوزده 100  قاتیلیمی South Stream Transport B.V. شیرکتی طرفین‌دن حیاتا کئچیریلیر.