150دن چوخ جسد، پارک وضعیتین‌دکی تریلی'یه قویولوب
مکزیک'ده نارکوتیک و اینسان قاچاقمالچی‌لیغی کارتئل‌لری آراسیندا داوام ائدن زوراکی‌لیق دالغاسی اؤلکه'نی بؤیوک بیر کاوسا سوروکلمیش وضعیتده
مکزیک'نین جالیسکو ایالتینه باغلی گوادالاژارا شهرینده خسته‌خانا‌لارداکی مئییت‌خانا دولو اولماسی سببین‌دن 150دن چوخ جسد، پارک وضعیتین‌دکی تریلی'یه قویولوب.
تریلی قوخو گلمه‌سی خالق آراسیندا غضبه سبب اولوب.
مکزیک'ده نارکوتیک و اینسان قاچاقمالچی‌لیغی کارتئل‌لری آراسیندا داوام ائدن زوراکی‌لیق دالغاسی اؤلکه'نی بؤیوک بیر کاوسا سوروکلمیش وضعیتده.
سون اولا‌راق ایچری‌سینده 157 جسد اولان مکزیک باش ساوجیلیغینا عایید هر بیر سویودوجولو تریلی، دورازنئرا بؤلگهسیندکی بیر آنبار یاخینلیغیندا پارک حالیندا اولوب.
2 هفته عرضینده پارک حالیندا اولان تریلی جسدلردن گلن قوخو سببیله بؤلگه خالقی شیکایت ائدیب.
شیکایت اوزرینه تریلی شهر مرکزین‌دن اوزاق تلاژومولکو بؤلگه‌سینده بوش بیر یئره آپاریلیب.
تلاژومولکو ساکین‌لری‌نین ده اعتراضی و شیکایتی اوزرینه تریلی شهر مرکزین‌دکی عدلی تعقیبی ساخلانما موسسیسه‌سینه آپاریلیب.
جالیسکو حکومت کاتیبی روبرتو لوپز ایسته‌یه، زوراکی‌لیق دالغاسی سببین‌دن مئییت‌خانادا داها چوخ جسد قویماق اوچون یئر قالماماسی سببین‌دن یوک ماشینی ایستیفاده ائتدیک‌لرینی اعتراف ائتدی.
ترک ائدیلن جسدلرین تونالدا یئنی بیر مئییت‌خانا تیکیله'نه قدر فرق‌لی بیر یئرده توتولاجاغینی آچیقلایان لارا، کئچیریله‌جک اوتوپسی‌لردن سونرا جسدلرین باسدیریلاجاغینی ده سؤیله‌دی.
مکزیک قانون‌لاری اساسیندا جینایت قوربان‌لاری‌نین جسدلری یاندیریلمیر.
جالیسکو ایالتی اینسان حاق‌لاری کومیسیونو حادثه‌لرله باغلی سوروشدورما راپورو باشلاییب.
21 مارس'دا هله قوهوم‌لاری طرفین‌دن آشکار ائدیلمه‌ین جسدلرین عدلی بیر قبیریستانلیغا قویولماسینی ایسته‌ین بیر تکلیف تقدیم اولونوب.
مکزیکده حکومتین موتشککیل جینایتکارلیغا قارشی ساواش اعلان ائتدیگی دسامبر 2006دان بو یانا زوراکی‌لیق حادثه‌لرینده 200 مین‌دن چوخ آدام اؤلدو، یا دا ایتدی.
ان چوخ شدت حادثه اؤتن ایل باش وئریب.
2017ده 25 مین‌دن چوخ آدام اؤلدورولوب. اؤلن‌لرین اوچده ایکی‌سی‌نین موتشککیل جینایت قوربانی اولدوغو بیلدیریلیر.
ایلگیلی‌لی خبرلر
فیلیپپینده 5.7 ریشتر گوجونده زلزله
آمریکا ژئولوژی خیدمتینین معلوماتینا گؤره، 5.7 ریشتر گوجونده زلزله 7.9 کیلومتر درینلیکده قیده آلینیب
