امریکا فیلیسطین آزادلیق تئشکیلاتینین اوفیسینی باغلادی
بونونلا باغلی معلومات امریکا خاریجی ایشلر ناظیرلیگی طرفیندن یاییلدی.
امریکا فیلیسطین آزادلیق تشکیلاتینین اوفیسینی رسمی اولاراق باغلادی.
بونونلا باغلی معلومات امریکا خاریجی ایشلر ناظیرلیگی طرفیندن یاییلدی.
معلوماتدا قئید ائدیلیر کی، خاریجی ایشلر ناظیرلیگی بو قراری دقیق تحلیلدن سونرا قبول ائدیب. بونونلا یاناشی، قئید اولونور کی، خاریجی ایشلر ناظیرلیگی ایکی طرف آراسیندا دانیشیقلار یولو ایله باریشین الده اولونماسی اوچون سعیلردن ایمتینا ائتمیر.
آچیقلامادا امریکا خاریجی ایشلر ناظیرلیگی نین سؤزچوسو هدر ناوئرت بیلدیریب کی، فیلیسطین آزادلیق تشکیلاتینین واشینگتن-داکی اوفیسینین آچیلماسینا 2017-جی ایلین نوامبر آییندا ایسراییل و فیلیسطین آراسینداکی باریش موذاکیرهلرینه دستک اولماق مقصدیله ایجازه وئریلدی. لاکین فیلیسطین آزادلیق تشکیلاتی ایسرایل ایله جدی بیر راضیلیق الده اولونماسی اوچون بیرباشا تشببوس قالدیرمادی. عکسینه بو تشکیلات هئچ گؤرمهدیگی و علاقه ساخلامادیغی حالدا امریکانین باریش پلانینی قینادی. ایداره کنگره نین ناراحاتلیغی چرچیوهسینده حاضردا فیلیسطین آزادلیق تشکیلاتینین واشینگتن اوفیسینی باغلاما قرارینا گلدی. امریکا آددیم آتماغین یولونون ایکی طرفین ده بیرباشا بازارلیق ائتمهسیندن آسیلی اولدوغونو دوشونور. بو قرار باریش موقاویلهسینه آپاراجاق آددیملاردان اوزاقلاشدیرماغی هدف گؤتورن شخصلر طرفیندن سوء-ایستیفاده ائدیلمهمهلیدیر. بیز دایمی باریشین یارانماسی جهدلریندن گئری آددیم آتمایاجاغیق.
امریکا خاریجی ایشلر ناظیرلیگی نین فیلیسطین آزادلیق تشکیلاتی اوفیسینین بیر آی عرضینده بوشالدیلماسینی ایستهدیگی بیلدیریلیب.
امریکا رهبرلیگی سون اولاراق بمت فیلیسطینلی قاچقینلار یاردیم آژانسینا مالیه یاردیملارینی تامامیله دایاندیرما قرارینا گلمیشدی.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.