کاتولیک‌لرین روحانی لیدری پاپا فرانسیسه ایستعفا چاغریسی
باش پیسکوپوس کارلو ماریا ویگانو، کاتولیک‌لرین روحانی لیدری پاپا فرانسیس، کیلسه نزدین‌دکی اوشاق‌لارا قارشی جینسی ایستیثمارا گؤز یومدوغو سببی ایله ایستعفایا دعوت ائدیب
واتیکانین کئچمیش واشینگتون سفیری باش پیسکوپوس کارلو ماریا ویگانو، کاتولیک‌لرین روحانی لیدری پاپا فرانسیس، کیلسه نزدین‌دکی اوشاق‌لارا قارشی جینسی ایستیثمارا گؤز یومدوغو سببی ایله ایستعفایا دعوت ائدیب.
ویگانو، آمریکا مرکزلی National Catholic Register قزئتینده یایینلادیغی 11 صحیفه‌لیک مکتوبدا، پاپانین ایستفاسینی ایسته‌دی.
پاپانین، اوشاق ایستیثماری اتهام‌لاری اوزون‌دن کئچن آی ایستعفا وئرن کاردینال تئودور مک کریک ایله باغلی ادعا‌لاری 2013 ایلدن بری بیلمه‌سینه قارشی حرکته کئچمدیگینی بیل‌دیرن ویگانو، پاپا ادعا‌لارلا باغلی شخصاً اؤزونون معلومات وئردیگینی قئید ائدیب.
ویگانو،
پاپا فرانسیس 23 ژوئن 2013دن بری مک کریک ین سری تجاووزه اولدوغونو بیلیردی. پاپا، کاردینال مک کریک ین ایستیثمار اؤرت-باس‌دیر ائدن کاردینال و پیسکوپوس‌لارا یاخشی نومونه تشکیل ائتمک اوچون ایستعفا ائتمک مجبوریتینده اولان ایلک شخص‌دیر." ایفاده‌لرینی ایستیفاده ائتدی.
کاتولیک کیلسه‌سی ایچینده بیر هوموسکسوال شبکه اولدوغونو دا ایره‌لی سورن ویگانو،
"بیر چوخ پیسکوپوسلوقدا، دینی طریقتده گئنیش یاییلمیش اولان بو هوموسکسوال شبکه‌لر، مخفی‌لیک ایچینده و سککیز ایاق‌لی ایلبیز قول‌لاری‌نین قوووسیله حرکت ائدیر، گوناه‌سیز قوربان‌لارینی و حتی بوتون بیر کیلسه بوغور." دئدی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
