بیرلشمیش میللت‌لردن میانمار اویاریسی

بیرلشمیش میللت‌لر (بمت)، میانماردا آراکان‌لی موسلمان‌لارا قارشی ظلمون داوام ائتدیگینی و ژانویه- ژوئن دؤورونده 11 مین یئنی قاچقی‌نین بنگلادشه کئچدیگینی بیلدیریب.

بمت باش کاتیبی‌نین سؤزچوسو استفان دوجاریک، گونده‌لیک مطبوعات بریفینگینده، آراکاندا کئچن ایل 25 آوقوستدا باشلایان شدت حادثه‌لری‌نین 700 مین‌دن چوخ آراکان‌لی موسلمانی بنگلادشه سیغینماق مجبوریتینده قویدوغونو خاطیرلاتدی.

میانمار حکومتی‌نین، یاردیم تشکیلات‌لاری‌نین آراکانداکی فعالیت‌لرینی بؤیوک میقداردا مانع اولدوغونا توخونان دوجاریک، "یاردیم تشکیلات‌لاری‌نین فعالیت‌لرینه داوام ائتمه‌سی اوچون بؤلگه‌یه گیرمه ایجازه‌سی وئریلمه‌سی لازیم‌دیر. بون‌دان باشقا، حرکت آزادلیغی، امنیت، وطنداش‌لیق کیمی بو بحرانین اساس پروبلم‌لرینه دا ایشاره ائدیلمه‌سی لازیم‌دیر." ایفاده‌سینی ایستیفاده ائتدی.

دوژاریج، آراکان دا اینسان‌لارین اینسانی یاردیم احتیاجی‌نین چوخ اولدوغونا وورغو ائده‌رک، "بمت، آراکانداکی اینسانی وضعیت‌دن درین ناراحات‌لیق کئچیریر. آراکاندا 660 مین، (موسلمان‌لارین بیرچوخونون یاشادیغی) شمالیندا 176 مین نفر اینسانی یاردیما محتاج." خبردارلیق ائتدی.

دوجاریک، "آراکاندا شدت حادثه‌لری‌نین سوردوگونه دایر معلومات‌لار گلیر. بو ایلین ژانویه ژوئن آیلاریندا 11 مین آراکان‌لی موسلمان قاچقین بنگلادشه کئچدی." معلوماتینی پایلاشدی.

بمت-یه گؤره، 25 آوقوست 2017دن سونرا آراکاندان قاچا‌راق بنگلادشه پناه آپاران‌لارین ساییسی 700 مینی کئچدی. اولوسلار آراسی اینسان حاق‌لاری تشکیلات‌لاری، نشر ائتدیردیک‌لری اویدو گؤرونتولری یوزلرله کندین یوخ ائدیلدیگینی ثبوت ائتدی.