ونزوئلا خالقی مادورویا دستک نوماییشی کئچیردی‌لر
ونزوئلا-نین پایتاختی کاراکاس-دا مین‌لرله اینسان شنبه گونو سوء قصده معروض قالان پرزیدنت نیکولاس مادورویا دستک نوماییشی کئچیردی.
ونزوئلا-نین پایتاختی کاراکاس-دا مین‌لرله اینسان شنبه گونو سوء قصده معروض قالان پرزیدنت نیکولاس مادورویا دستک نوماییشی کئچیردی.
مادورونون رهبرلیک ائتدیگی کمونیست پارتیسی‌نین رنگینده - قیرمیزی رنگ‌لی قیافت‌لر گئیینن مین‌لرله ونزوئلا-لی اؤلکه‌نین سوء قصد جهدیندن سونرا بیر اولدوغونو گؤسترمک اوچون یوروگوش ائتدی‌لر.
نوماییشچی‌لر ال لرینده بایراق‌لار و مادورونون فوتولارینی داشیدی‌لار.
ونزوئلا خاریجی ایشلر ناظیری خورخه آرزا دستک آکسیاسیندا چیخیش ائده‌رک سوء قصد جهدی ایله علاقه‌دار 6 شخصین حبس اولوندوغونو سؤیله‌دی.
آرازا سوء قصد جهدی‌نین آرخاسیندا "کلمبیا الیگارشی"نین و "شیما‌لی امریکا ایمپریالیزمی"نین دوردوغونو ادعا ائتدی.
قئید ائدک کی، ونزوئلا پرزیدنتی نیکولاس مادورو پایتاخت کاراکاس-دا کئچیریلن تدبیرده چیخیش ائدرکن پارتلاییجی یوک‌لو درون‌لار ایله هوجوم تشکیل ائدیلمیشدی. مادورونون خسارت آلما‌دان قورتولدوغو هوجومدا 7 عسگر یارالانمیشدی.
"تی-شرت گئیینن عسگرلر" آدلانان قروپ تویترده بؤلوشدوک‌لری مئساژدا هوجوما گؤره مسئولیتی اؤز اوزرینه گؤتورموشدو.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
