"گئجه قوردلاری" گوونلیک ریسکی یارادیر
پیتر سوسکو، گئجه قوردلارینین فعالیتلرینین یاخیندان تعقیب ائدیلمهسی لازیم اولدوغونو سؤیلهدی
اسلواکی پرزیدنتی آندری کیسکا، اؤلکهسینده یاخین زاماندا قورولان، روسیا پرزیدنتی ولادیمیر پوتینه اولان یاخینلیغی ایله تانینان "گئجه قوردلاری" آدلی روس موتورسیکلت قروپونون مرکزینین بیر گوونلیک ریسکی یاراتدیغینی دئدی.
گئجه قوردلارینین "ضررسیز موتورسیکلت سئوهنلر کلوبو" اولمادیغینی ایفاده ائدن کیسکا، بو قروپون باشکند براتیسلاوایا ۷۰ کیلومتر اوزاقلیقداکی دولنا کروپا کندینده مرکزلرینین اولدوغونو بیلدیردی.
"بو مرکز بیر گوونلیک ریسکی یارادیر" ایفادهلرینی ایشلهدن کیسکا، اسلواکی حکومتینین بو مرکزین قالدیریلماسی اوچون آددیملار آتماسی لازیم اولدوغونا ایشاره ائتدی.
اسلواکی خاریجی ایشلر باخانلیغی سؤزچوسو پیتر سوسکو ایسه، گئجه قوردلارینین فعالیتلرینین یاخیندان تعقیب ائدیلمهسی لازیم اولدوغونو سؤیلهدی.
قروپ عضولرینین تاریخی یئنیدن یازماق کیمی فیکیرلری اولدوغونو ایفاده ائدن سوسکو، عضولرین بو دوشونجهنی یایما گیریشیملرینین ضررلی اولابیلهجیینی بیلدیردی.
سوسکو، کلوب ادعاسیندا گئجه قوردلارینین بیر حکومت هؤرگوتو اولمادیغینی، بو سببدن وضعیته روسیا ائلچیلیگی یولو ایله مداخیله ائدیلمهدیگینی ایفاده ائتدی.
آمریکا خزانه باخانلیغی ۲۰۱۴ده قیریمین ایلحاقیندان سونرا قیریم گوجلرینه دستک وئرهن "گئجه قوردلاری" آدلی روس موتورسیکلئت قروپو عضولرینین ده آرالاریندا اولدوغو روسیا و اوکراینادان بعضی شخصلره و شیرکتلره تحریم قراری آلمیشدی.
ایلگیلیلی خبرلر
جو بایدن 5 گونلوک فرانسه سفری باشلادی
جو بایدن جون 8-ده فرانسه پرزیدنتی امانوئل ماکرونلا دا گؤروشهجک