آوروپا بیرلیگیندن گؤچمن آلان اؤلکهلره پول تکلیفی
بیرلیک، گؤچمن بحرانینی حلّ ائتمک اوچون "منطقه ده تخلیه مرکزلری" و "کونتروللو گؤچمن مرکزلرینی تورپاقلاریندا قورماغی قبول ائدن اؤلکهلره مالی یاردیمی ساغلانماسی تکلیفی ائدی
آوروپا بیرلیگی، گؤچمن آلان اؤلکهیه پول وئرمگی تکلیف ائتدی.
بیرلیک، گؤچمن بحرانینی حلّ ائتمک اوچون اؤتن آی کئچیریلن آوروپا بیرلیگی لیدرلر ذیروهسینده اورتایا آتدیغی "منطقه ده تخلیه مرکزلری" و "کونتروللو گؤچمن مرکزلرینی تورپاقلاریندا قورماغی قبول ائدن اؤلکهلره مالی یاردیمی ساغلانماسی تکلیفی ائدیب.
آوروپا بیرلیگی کومیسیونو، اوچونجو اؤلکهلرده یارادیلماسی نظرده توتولان " بؤلگه سل تخلیه مرکزلری" و عضو اؤلکهلرده یارادیلماسی پلانلاشدیریلان " کونتروللو گؤچمن مرکزلری" آنلاییشلارینا آیدینلیق گتیرن بیر یول پلانی متنی یاییب.
مرکزلرین یارادیلماسینا دایر بعضی تکلیفلره یئر وئریلن متن، عضو اؤلکهلرین دایمی نمایندهلری طرفیندن صاباح کئچیریلهجک آوروپا بیرلیگی دایمی نمایندهلر کومیتهسینین ایجلاسیندا (COREPER) موذاکیره اولوناجاق.
متنه گؤره، سؤزقونوسو ایکی مرکز، آوروپا بیرلیگی اؤلکهلرینین بیرگه مسئولیت گؤتورهرک "قارماشیق قاچقین پروبلمینه" حلۀ تاپماسینا یاردیمچی اولاجاق.
آوروپا بیرلیگینه چاتان قاچقینلار بیرلیک اؤلکهلرینده قورولاجاق " کونتروللو گؤچمن مرکزلرینه گؤندریلهجک.
بو مرکزلر سایهسینده اولوسلار آراسی قوروماغا مؤحتاج قاچقینلار ایله آوروپا بیرلیگینده قالما حقوقو اولمایان قانونسوز قاچقینلار آراسیندا آیری-سئچکیلیگین ائدیله جگی و گری تحویل وئریله جگی قئید ائدیلیر.
مرکزلری اؤلکهسینده قورماغی قبول ائدن عضو اؤلکهلره "آوروپا بیرلیگی تام دستک" وئرهجک.
بو چرچیوهده اؤلکهلره آوروپا سرحدچی اکیپلری، گؤچمن متخصصلری وئریله جک. بوتون خرجلر آوروپا بیرلیگی بودجهسیندن قارشیلاناجاق.
عینی زاماندا آوروپا بیرلیگی، "کونتروللو گؤچمن مرکزی" قوران عضو اؤلکهنین آلت یاپی و عملیات خرجلرینی قارشیلایاجاق، مرکزه قبول ائدیلن هر بیر سیغینماچی اوچون 6 مین آورو اؤدنیش وئریلهجک.
تکلیفه گؤره بو آنلاییشین مومکونلوگونو اؤلچمک اوچون یاخین زاماندا بیر پیلوت مرکز یارادیلاجاق.
عضو اؤلکهلرده قورولاجاق " کونتروللو گؤچمن مرکزی نین" هابئله اوچونجو اؤلکهلرده بیرلشمیش میللتلر تشکیلاتینین قاچقینلار عالی کومیسارلیغی (UNHCR) و اولوسلار آراسی گؤچمن تشکیلاتی (IOM) ایله امکداشلیق آپاریلاراق " بؤلگه سل تخلیه مرکزلری" اینشا ائدیلهجک.
بو مرکزلرین قاچقینلارین نیظاملی و اعتبارلی بیر شکیلده تخلیه ائدیلمهسینه قاتقی وئره جگینی ساوونور.
عینی زاماندا، بو مرکزلرده ده اولوسلار آراسی قوروماغا احتیاجی اولان قاچقینلار ایله غیری-قانونی قاچقینلارین سرعتلی بیر شکیلده آییرد ائدیله جگی و گئری قایتارمالارین سورعتلنه جگی قئید ائدیلیر.
"بؤلگه سل تخلیه مرکزلری" ماراقلی اولان "طرفداش اؤلکهلرده" قورولاجاق و بو اؤلکهلره "سیاسی، امنیت و سوسیال-ایقتیصادی احتیاجلارینا" اویغون اؤزل دستک تامین اولوناجاق. آوروپا بیرلیگی مرکزلرین یارادیلماسیندا اورتایا چیخان خرجلری قارشیلایاجاق.
مرکزلر، غیری-قانونی قاچقینلارین چوخ ایستیفاده ائتدیگی نقطهلره اوزاق یئرلره اینشا ائدیلهجک و بوتون آزاد ائدیلن موضوعلارا یئنیدن یئرلشدیرمه حقوقو وئریلمیه جک.
متنده بو مرکزلرین "توپلاما دوشرگهلری" اولمایاجاغی و اولوسلار آراسی حقوقا اویغون حرکت ائدجگینه وورغو ائدیلیر.