گونئی سودان دا ان آزی 232 سیویل وطنداش قتله یئتیریلیب

گونئی سودان دا حکومت گوج‌لری و هاوادارلاری. ان آزی 232 سیویل وطنداشی قتله یئتیررکن، 120دن چوخ قادین و قیز اوشاغی دا تجاووزه اوغرادی.

بیرلشمیش میللت‌لر (بمت) اینسان حاق‌لاری کونسئی،اولکه دکی ایچ ساواشا دایر حاضیرلادیغی یئنی راپوردا ماراق‌لی معلومات‌لارا یئر وئریب.

راپوردا، بو ایل، 16 نیسان-24 می آراسیندا حکومت گوجلری، هاوادارلاری و سیلاح‌لی گنج‌لرین، موخالیف‌لرین کونترولونداکی مایندیت و لیر بؤلگه لرینه سالدیریلار تشکیل ائتدیگی قئید ائدیلیب.

سالدیری‌لاردا ان آز 232 وطنداشین اؤلدوغو، بیر چوخ آدامین یارالاندیغی بیل‌دیریلن راپوردا، "جینسل شیددتین ساواش سیلاحی کیمی ایستیفاده ائدیلدیگی‌نین ائتدیگی" ایفاده ائدیله‌رک آرا‌لاریندا 4 یاش‌لی اوشاغین دا اولدوغو ان آز 120 قادین و قیز اوشاغی‌نین "زوراکیلیغا" و یا "کوتلوی تجاووزه" معروض قالدیغی وورغولانیب.

تجاووزه مقاومت گؤسترن قادین‌لارین اعدام ائدیلدیگی معلوماتی پایلاشیلان راپوردا ان آز 132 قادین و قیز اوشاغی‌نین قاچیریلدیغی قئید ائدیلیب.

بمت اینسان حاق‌لاری عالی کومیساری زید رعد الحسین، راپوردا دایر وئردیگی بیاناتدا،

قوموتانلار دا داخیل ساوونما‌سیز وطنداش‌لارا قارشی بو پیس سالدیری‌لاری ائدن بوتون وظیفه‌لی‌لردن حساب سوروشولما‌لی‌دیر." دئدی.

حسین، گونئی سودان حکومتینی سیویل وطنداش‌لارا قارشی سالدیری‌لارا سون وئرمه‌یه دعوت ائده‌رک گوناهکارلارین عدالت قارشی‌سیندا حساب وئرمه‌سی اوچون سوروشدورما آچیلماسینا چاغیریب.