کانادادا چادرا قاداغانلیغی دوردورولوب
کانادانین کبک ایالتینده عالی محکمه، بو گون ایجرایه قویولماسینی قرارلاشدیریلان چادرا قاداغانلیغی ایجراسینی یئنی‌دن تاخیره آلدی
کانادانین کبک ایالتینده عالی محکمه، بو گون ایجرایه قویولماسینی قرارلاشدیریلان چادرا قاداغانلیغی ایجراسینی یئنی‌دن تاخیره آلدی.
کبک ایالت پارلامنتی‌نین اوکتوبر آییندا چیخاردیغی و دولت خیدمتی آلارکن اینسان‌لارین اوزلرینی اؤرتمسینی قاداغان ائدن قانون، ایالت‌دکی عالی محکمه‌سی‌نین چیخاردیغی سون قرارلا 2نجی دفعه محکمه‌یه وئریلیب.
ایالت یوکسک محکمه‌سی قاضیسی مارک-آندره بلانچارد، کانادا موسلمان‌لاری میللی شوراسی ایله کانادا سیویل آزادلیق‌لار اتفاقی‌نین مراجعتی ایله وئردیگی قراردا سؤز قونوسو یاساغین موسلمان قادین‌لارا وئره بیله جگی دوزلدیلمه یه جگی ضررلر سببیله ایجرا اولماماسینا حؤکم ائتدی.
بلانچارد، ایالت پارلامنتی‌نین می آییندا آچیقلادیغی سرنجام‌لارین کیفایت قدر آچیق اولمادیغینی قئید ائتدیگی قراریندا، بونون کانادا حقوق و آزادلیق‌لار شرطی ایله کبک نیظامنامه چرچیوه‌سینده تأمینات وئرن اساس ویج‌دان و دین آزادلیغی حقوقونو پوزدوغونو قئید ائدیب.
قاضی بلانچارد،
موسلمان قادین‌لارا تلافیسی مومکون اولمایان ضررلر وئره‌جک اولان قانونون بو مادده‌سی‌نین حیاتا کئچیریلمه‌سینی آسکییا آلماق دولت خئیرینه‌دیر." دئدی.
کبک ایالت باش ناظیری فیلیپ کوویلارد، سوالین آرتیق سیاسی ساحه‌ده اولمادیغی‌نا وورغو ائده رک،
یاسال گؤروشو گؤزلیه جگیک، بو سیاسی بیر قرار دئییل. قانونی بیر آنالیزدن سونرا آلینان بیر قراردیر. بیزه گؤستردیگی شئی، قانونون چوخ حساس بیر ساحه‌ده اولدوغوموزدور. پروسه‌لری تعقیب ائدجگیک." ایفاده‌لرینی ایستیفاده ائتدی.
کانادا موسلمان‌لاری میللی شورا ایجراچی دیرکتورو ایحسان گاردی ایسه قرارا دایر وئردیگی یازی‌لی آچیقلامادا،
قراری، کبک دکی و کانادادا دین آزادلیغی و اینسان حاق‌لاری اوچون بیر غلبه کیمی تصویر ائدیر و ممنونیتله قارشیلاییریق. آنایاسا ضرورت و پروسئس هله تاماملانمامیش اولماسینا باخمایا‌راق بو قرار، کبک و کانادا موسلمان‌لاری اوچون اهمیت‌لی‌دیر." قیمتلندیرمه‌سینده اولوب.
قانون، موسلمان قادین‌لارین دولت موسسیسه و تشکیلاتلاریندان خیدمت آلدیق‌لاری و ایشلدیک‌لری مدت عرضینده چادرایلا اوزلرینی باغلاما‌لارینی قارشی‌سینی آلماق اوچون چیخارمیشدی.
قانونون تطبیقی ایلک اولا‌راق دسامبر آییندا اسکییا آلینمیشدی.
