فرانسانین باش ناظیری ایسراییل سفرینی لغو ائتدی
فرانسانین باش ناظیری ادوارد فیلیپپ بو آیین سونو اوچون پلانلاشدیریلان ایسراییل سفرینی لغو ائتدی.
977574
فرانسانین باش ناظیری ادوارد فیلیپپ بو آیین سونو اوچون پلانلاشدیریلان ایسراییل سفرینی لغو ائتدی.
فرانسا باش ناظیرلیگی، ادوارد فیلیپپین 1 می-1 ژوئن تاریخلرینده ایسراییله ائدجگی سفر حاقیندا معلومات یایدی.
معلوماتدا ایشلرین چوخلوغو سببیندن باش ناظیر فیلیپین ایسراییل سفرینین لغو ائدیلدیگی قئید اولونور.
قئید ائدک کی، فرانسا رهبرلیگی امریکا پرزیدنتی دونالد ترامپین اؤلکهسینین ایسراییلدکی سفیرلیگینی تل آویودن قودسه کؤچورمه قرارینا رئاکسیا گؤستریب، بو آدیمین بؤلگهدکی ایکی دؤولتلی حله اولان اومیدلری پوچا چیخاردیغینی بیلدیریب.
فرانسا خاریجی ایشلر ناظیری ژان ایو لودریان : "امریکا بو قرارلا بیرلشمیش میللتلر تشکیلاتی تهلوکهسیزلیک شوراسینین قطعنامه لرینی پوزدو و اولوسلار آراسی حقوقا ضد داوراندی" دئییب.