ترامپ: اونلارلا ایلگیلنیله‌جک
دونالد ترامپ،ناتو باش کاتیبی ینس استولتنبرگین ده ایشتیراک ائتدیگی کابینه توپلانتیسیندا دانیشدی
آمریکا پرزیدنتی دونالد ترامپ،ساوونما خرجلرینی ناتو تعهدلاری چرچیوه‌سین‌ده یوردایچی گلیرین یوزده ۲سی سویه‌سینه چیخاران اؤلکه‌لری اوچون "اونلارلا ایلگیلنیله‌جک" سؤزلرینی ایشلتدی.
دونالد ترامپ،ناتو باش کاتیبی ینس استولتنبرگین ده ایشتیراک ائتدیگی کابینه توپلانتیسیندا دانیشدی.
بیر چوخ ناتو اؤلکه‌سینین آرتیق ساوونما خرجلرینی ناتو تعهدلاری چرچیوه‌سین‌ده، یوردایچی گلیرین یوزده ۲سی سویه‌سینه چیخاردیغینی خاطیرلادان ترامپ بعضی عضو اؤلکه‌لرین هله بو تعهدلارینی یئرینه یئتیرمدیگینی ایفاده ائتدی.
بو مسئله‌ده تعهدلارینی یئرینه یئتیره‌ن ۷ اویه اؤلکه‌یه تشکر ائد‌ن ترامپ،
"تعهدلارینی یئرینه یئتیرمه‌یه‌نلر وار. اونلارلا ایلگیلنیله‌جک" شکلینده دانیشدی.
آلمانیانین ساوونما قاتقیلاریندا‌کی اکسیکلیکلری اورتادان قالدیراراق ناتو ایچری‌سین‌ده‌کی لیدئرلیک رولونو گؤسترمه‌سی لازیم اولدوغونو ساوونان ترامپ، بو اؤلکه‌یه دایر بو ایفاده‌لری ایشلتدی:
"آلمانیا، وئرمه‌سی لازیم اولان قاتقینی وئرمیر و ان چوخ فایدالانان دا او. آچیغی، آمریکادان چوخ داها چوخ (فایدالانیر). علاوه اولاراق میلیاردلارجا دلار اؤد‌یه‌رک روسیادان بؤیوک میقداردا گاز آلیرلار. اونا گؤره بو، بیزیم داها سونرا دانیشاجاغیمیز بیر شئی‌دیر".
استولتنبرگ ایسه، دونالد ترامپین ناتو عضولرینین ساوونما خرجلری قونوسون‌داکی چابالارینی تقدیر ائتدیگینی دیله گتیردی.
