ترامپ، نتانیاهو، سعودی عربیستان کرا‌لی و قطر امیری ایله تلفون گؤروشمه‌سی کئچیریب
آغ ائودن ائدیلن یازیلی آچیقلامادا، آمریکا باشقانی دونالد ترامپ ایله ایسرائیل باشباخانی بنیامین نتانیاهونون کئچیردیگی تلفون گؤروشمه‌سینده یاخین شرق‌دکی سون پروسس‌لرین موذاکیره اولوندوغو بیلدیریلیب
آمریکانین پرزیدنتی باشقانی دونالد ترامپ، ایسرائیل باش ناظیری بنیامین نتانیاهو، سعودی عربیستانی کرا‌لی سالمان بن عبدالعزیز و قطر امیری شیخ تمیم بن حمد آل ثانی آیری-آیری تلفون گؤروشمه‌سی کئچیریب.
آغ ائودن ائدیلن یازیلی آچیقلامادا، آمریکا باشقانی دونالد ترامپ ایله ایسرائیل باشباخانی بنیامین نتانیاهونون کئچیردیگی تلفون گؤروشمه‌سینده یاخین شرق‌دکی سون پروسس‌لرین موذاکیره اولوندوغو بیلدیریلیب.
آچیقلامادا، "صدر ترامپ، آمریکانین ایسرائیلین امنیتینه اولان باغلی‌لیغینی بیر داها وورغولادی و ایکی لیدر ایرانین بؤلگه‌دکی ایستیقرارسیزلاشدیریجی حرکت‌لری ایله موباریزه آپارماق اوچون یاخین امکداشلیغا داوام ائتمک مسئله‌سینده راضی قالدی". ایفاده‌سینه یئر وئریلیب.
سؤز قونوسو آچیقلامادا، غزّه‌ده باش وئرن و ایسرائیل 19 فیلیسطینی شهید ائتدیگی حادثه‌لرین گؤروشمه‌ده گوندمه گلیب گلمدیگینه توخونولمادی.
آغ ائودن ترامپ ایله کرال سلمان گؤروشمه‌سینه دایر آپاریلان یازیلی آچیقلامادا ایسه، دونن کئچیریلن تلفون دانیشیغیندا ترامپین، سعودی عربیستانی هدف آلان 25 مارس‌داکی حوثی قایناقلی موشک سالدیریسیندان اؤتورو بو اؤلکه ایله همرای‌لیک ایچینده اولدوغونو دیله گتیردیگی ایفاده ائدیلدی.
ایکی لیدر، ایسرائیل‌لی‌لرله فیلیسطین‌لی‌لر آراسیندا احاطه‌لی بیر باریشین تامین اولونماسی دا داخیل بیر چوخ بؤلگه‌سل مسئله‌لری مذاکیره ائدیب". ایفاده‌سینه یئر وئریلن آچیقلامادا، یمن‌دکی ساواشین سونا چاتدیریلماسی اوچون سیاسی پروسسین یئنی‌دن جانلاندیریلماسی لازیم اولدوغونا ایشاره ائدیلدیگی قید اولونوب.
گؤروشمه‌ده سوریهدکی وضعیتین ده موذاکیره اولوندوغو، داعش قارشی موباریزه‌نین دانیشیلدیغی و کؤرفز امکداش‌لیق شوراسی (کش) چاتیسی آلتیندا پروبلم‌لرین حلّ ائدیلمه‌سی لازیم اولدوغونا دقت یئتیریلدیگی بیلدیریلیب.
آغ ائودن ائدیلن دیگر بیر آچیقلامادا دا ترامپین قطر امیری شیخ تمیم بن حمد آل ثانی دونن بیر تلفون گؤروشمه‌سی ائتدیگی قید اولونوب.
گؤروشمه‌ده ترامپین، قطرین "تروریزمین مالیلشدیریلمه‌سینه قارشی گؤستردیگی قطعیته" گؤره شیخ تمیم تشککور ائتدیگی قید ائدیلیب.
ایرانین "بؤلگه‌ده آرتان قورخوسوز اعتراض‌لارینا" قارشی گؤروله‌جک تدبیرلرین مذاکیره اولوندوغو قید ائدیلن گؤروشمه‌ده کؤرفز امکداش‌لیق شوراسی داخیلین‌دکی بیرلیگین یئنی‌دن تامین اولونماسی‌نین قارشی‌سین‌داکی مانعه‌لرین ده دانیشیلدیغی ایفاده ائدیلیب.
ایکی لیدرین همچینین، ایکیطرف‌لی و بؤلگه‌سل مسئله‌لرین حلّینده امکداش‌لیغینی آرتیرماق مسئله‌سینده راضی قالدیق‌لاری بیلدیریلیب.
ایلگیلی‌لی خبرلر
هریس ایله مناظره تکلیفینه ترامپ‌دان جاواب
کامالا هریس ایله مناظره لرین ایکینجی تورو کئچیرمک اوچون چوخ گئج‌دیر.
