دونالد ترامپدان، دولت باشقانی ولادیمیر پوتینه گؤروشمه تکلیفی
ژورنالیست‌لره دانیشان موشاکوو، ترامپین، 20 مارس‌داکی تلفون گؤروشمه‌لرینده پوتین ایله یوز یوزه گؤروشمگی تکلیف ائتدیگینی بیلدیریب
روسیا پرزیدنت کؤمکچی‌سی یوری اوشاکوو، آمریکانین پرزیدنتی دونالد ترامپین،دولت باشقانی ولادیمیر پوتینه گؤروشمه تکلیف ائتدیگینی دئییب.
ژورنالیست‌لره دانیشان موشاکوو، ترامپین، 20 مارس‌داکی تلفون گؤروشمه‌لرینده پوتین ایله یوز یوزه گؤروشمگی تکلیف ائتدیگینی بیلدیریب.
اوشاکوو،
"هر شئی یولوندا گئتسه آمریکا‌لی‌لارین مومکون بیر گؤروشمه‌نی دانیشما ایستیقامتینده تکلیف‌لری باره‌ده فیکیر دییشممه‌سینی اومید ائدیرم" دئدی.
ترامپ، روسیادا 18 مارسدا کئچیریلن پرزیدنت سئچیم‌لرین‌دکی غلبه‌سی‌نین آردین‌دان پوتینله تلفونلا آرایا‌راق تبریک ائتمیشدی.
اوشاکوو،
"ترامپ ایلک گؤروشون آغ ائوده باش وئرمه‌سینی تکلیف ائتدی. بو تکلیف تلفون دانیشیغیندا گلدی" ایفاده‌سینی ایستیفاده ائتدی.
دیگر طرف‌دن، اوشاکوو، قدیم روس جاسوسو سئرگئی اسکریپال و قیزی‌نین زهرلنمه‌سی اتهاملاریندا لندن‌ه دستک وئرن آمریکانین 60 روس دیپلوماتی دپورت ائتمه‌سی‌نین ده موناسیبت‌لرده گئریلمه‌یه سبب اولدوغونو بیلدیریب.
اوشاکوو،
"موجود شرط‌لرین گؤروشمه مسئله‌سینی اله آلماق ایمکانی وئرمه‌سینی اومید ائدیرم. چونکی بونون چوخ اهمیت‌لی اولدوغونو دوشونوروک. بو گؤروشمه تکجه اؤلکه‌لریمیز اوچون دئییل، بوتون اولوسلار آراسی توپلوم اوچون لازیم‌لی" دئدی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
