امریکا سوریه-دن قوشون‌لاری چیخاریر - ترامپ اعلان ائتدی

امریکا پرزیدنتی دونالد ترامپ سوریه ایله باغلی بیانات وئردی.

ترامپ بیر میتنگده چیخیش ائده ره ک،امریکانین یاخین زاماندا سوریه-دن چیخاجاغینی سویله دی.

" اورادا اولماغیمیزین یئگانه سببی داعش ترور تشکیلاتی ایدی. باشقا بیر سبب یوخ‌دور. مقصدیمیزه بؤیوک اؤلچوده چاتدیق"، ترامپ قئید ائدیب.

سوریه-ده 7 ایلدیر داوام ائدن ایچ ساواشا توخونان دونالد ترامپ: " ایندی قوی باشقا‌لاری بونون قایغی‌سینا قالسین"’ دئیه بیلدیریب.

دونالد ترامپ 2016-جی ایلده کئچیریلن پرزیدنت سئچیلریندن قاباق آپادیغی تبلیغات میتنگ لرینده امریکانین بوشونا پول خرجله دیگی اورتا دوغودان چیخاماسی نین واجیب لیگینی بیلدیرمیشدی.

پنتاگون معلوماتینا گوره، سوریه-ده تخمینا 2000-ه یاخین امریکا عسگری واردیر.

دیگر طرفدن امریکا خاریجی ایشلر ناظیرلیگی نین سوزچوسو ناوئرت سوریه دن آیریلما سیاستیندن خبریم یوخدور سوزلری امریکان ایچ سیاستینده یئنی بیر بحران ایشارتی اولاراق دیرلندیریلدی.

پنتاگونون سوریه بحرانیندا آپاردیغی سیاست ده پرزیدنت ین سون سوزلری ایله اوست اوسته دوشمه دیگینه دقت چکیلیر.