بیرلشمیش میللت‌لر اینگیلتره- روسیا بؤحرانی اوچون توپلاندی

اینگیلتره، اسکی روس آژانسی سئرگئی ایسکریپالیل قیزی‌نین زهرلنمه‌سیله باغلی عاجیل توپلانتییا چاغیردیغی بیرلشمیش میللت‌لر امنیت شوراسیندا روسیا سوی-قصد ائتمک و قانون‌سوز گوج ایستیفاده ائده‌رک اولوسلار آراسی حقوقو پوزماقدا گوناهلاندیردی.

ادعا‌لاری رد ائدن روسیا اینگیلتره‌یه بیرگه سوروشدورمایا چاغیریب.

بیرلشمیش میللت‌لر امنیت شوراسی، ایسکریپال ایله قیزی یولیانین زهرلنمه‌سی حادیثه‌سی ایله باغلی اینگیلتره‌نین طلبی ایله عاجیل توپلاندی.

اینگیلتره‌نین بمت-دکی دایمی نماینده کؤمکچی‌سی جاناتان آلن، روسیا ایسکریپال ایله قیزی یولیایا سوی-قصد ائتمک و غیری-قانونی گوج ایستیفاده ائده‌رک اولوسلار آراسی حقوقو پوزماقدا گوناهلاندیردی.

روسیانین دولت دستک‌لی سوی-قصدلر ائتمک، دیگر اؤلکه‌لره موداخیله ائتمه، وطنداش‌لارین یاشام‌لارینی دیقّته آلماما تاریخی اولدوغونو قید ائدن آلن، روسیانین سوریه‌ده دا شیمیایی سیلاح ایستیفاده ائدن رژیمی دفعه‌لرله قورویوب ساخلادیغینی سؤیله‌دی.

روسیانین "قورخوسوزجا ایشلینه" قارشی چیخدیق‌لارینی ایفاده ائدن آلن، بمت امنیت شوراسینا بیرلشمیش کرال‌لیق ایله همرای‌لیک ایچینده اولماسی چاغیریشی ائتدی.

آمریکانین بمت دایمی تمثیلجیسی نیکی هیلی ده اینگیلتره‌دکی سینیر گازی ایستیثمارین‌دان روسیا عذره توتا‌راق، روسیانین آمان‌سیز بیر جینایت تؤرتدیگینی دئییب.

آمریکانین بیرلشمیش کرال‌لیق ایله موطلق همرای‌لیک ایچینده اولدوغونو ایفاده ائدن هیلی روسیا ائیلملریندن مسئول توتولما‌لی دئدی.

روسیانین بمت دایمی نماینده‌سی واسیلی نبنزیا ایسه ایسکریپال و قیزی‌نین زهرلنمه‌سی‌نین آرخاسیندا روسیانین اولماسی ادعا‌لارینی رد ائتدی.

نبنزیا، اینگیلتره باشباخانی ترازا می‌ین بمت باش کاتیبی آنتونیو گوتررزه گؤندردیگی مکتوب و شورادا ائدیلن آچیقلاما‌لارین روسیایا قارشی مسئولیت‌سیز و هدله‌ییجی ایفاده‌لر داشیدیغینی و بونون قبول ائدیله بیلمیه‌جگینی دئییب.

نبنزیا، لندن باشقا‌لارینی گوناهلاندیرما‌دان اوّل اؤز تورپاق‌لاریندا نلر اولدوغونو درک ائتمه‌لی، چونکی نزاکت‌لی اینسان‌لار ائله ائدر. بیزیم بو حادثه ایله هئچ بیر علاقه‌میز یوخ‌دور. بیز بیرگه آراشدیرمایا حاضیریق. هئچ بیر شئی‌دن قورخوموز و ساخلادیغیمیز هئچ بیر شئی یوخدور دئدی.