محمود عباس بیرلشمیش میللتلر تشکیلاتینا چاغیریش ائتدی
فیلیسطین دؤولت باشچیسی محمود عباس فیلیسطین پروبلئمینین حلی اوچون چوخ طرفلی مکانیزمین یارادیلماسی و فیلیسطین-ین بیرلشمیش میللتلر تشکیلاتینین عضو اولاراق تانینماسی اوچون چاغیریش ائتدی.
فیلیسطین دؤولت باشچیسی محمود عباس فیلیسطین پروبلئمینین حلی اوچون چوخ طرفلی مکانیزمین یارادیلماسی و فیلیسطین-ین بیرلشمیش میللتلر تشکیلاتینین عضو اولاراق تانینماسی اوچون چاغیریش ائتدی.
فیلیسطین-ین دؤولت باشچیسی محمود عباس بمت تهلوکهسیزلیک شوراسیندا چیخیش ائتدی.
محمود عباس چیخیشیندا فیلیسطین خالقینین 70 ایلدیر اؤز تورپاقلاریندا عذاب چکمهیه داوام ائتدیگینی، بمت-نین فیلیسطین پروبلئمینین حلینده اوغورسوزلوغا دوچار اولدوغونو و ایسرائیل-ین اؤزونو اولوسلار آراسی حقوقدان اوستون توتان بیر دؤولت اولدوغونو قئید ائتدی، ایسرائیل-فیلیسطین پروبلئمینین یئگانه حلینین چوخ طرفلی اولوسلار آراسی مکانیزمین یارادیلماسی اولدوغونو وورغولادی.
فیلیسطین-ین بمت-ده عضو دؤولت کیمی تانینماسینا چاغیران فیلیسطین لیدری: "فیلیسطینی دؤولت کیمی تانیمایان اؤلکهلری بونو ائتمهیه دعوت ائدیرم" ایفادهسینی ایشلتدی.
توپلانتیدا امریکانین بمت-دکی دایمی نمایندهسی نیکی هیلی و امریکا پرزیدنتی دونالد ترامپین کورکنی و دورتا دوغو مسئلهلری عذره خصوصی مشاویری ژارد کوشنر ده ایشتیراک ائتدیلر.
هیلی چیخیش ائدهرک بمت-نی ایسرائیل مسئلهسینده طرف توتماقلا گوناهلاندیردی.
امریکا رهبرلیگینین فیلیسطین خالقینا قارشی اولمادیغینی قئید ائدن هیلی سؤزلرینه بئله داوام ائتدی: "فیلیسطین خالقینین چکدیگی عذابلارین فرقیندییک. امریکا بو گون، بورادا فیلیسطین رهبرلیگینه باریش الینی اوزادیر. امریکانین سفیرلیگینی قودسه کؤچورمه قراریندان مایوس اولدونوز. بو قراری بگنمهیه، و یا قبول ائتمهیه مجبور دئییلسینیز، اما بونو بیلملیسینیز کی، بو قرار دییشمهیهجک. امریکانین باریش دانیشیقلارینداکی رولونو اینکار ائتمهیی، بمت کیمی اولوسلار آراسی پلاتفورمالاردا ایسرائیلی جزالاندیرماغا یؤنلدیلمیشمیش تدبیرلرین آختاریشینی سئچه بیلرسینیز، آنجاق بونلار سیزی هئچ یئره آپارمایاجاق. غضبینیزی بیر کنارا قویاراق، بیزیمله بیرگه حرکت ائدهرک فیلیسطینلیلرین حیاتلارینی یاخشیلاشدیرماق مسئلهسینده بیر راضیلاشما یولونو سئچه بیلرسینیز. موذاکیرچیلریمیز دانیشیقلار آپارماغا حاضردیرلار، سئچیم سیزیندیر، جناب عباس".
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.