کاتالونیا اسکی باشقانی کارلس پویگدمونت، "سورگون حکومتی" قورماق ایستییر
بلژیک رسمی خبر آژانسی خبرینه گؤره، پویگدمونت، کاتالونیاداکی حکومته ده اؤز پارتیسین‌دن بیر یاردیمچی گؤندرجگینی بیلدیریب.
کاتالونیا اسکی موختار حکومتی‌نین باشقانی کارلس پویگدمونت، کاتالونیانی بلژیک‌ین پایتختی بروکسل‌دن ایداره ائتمک اوچون "سورگون حکومتی" قورماق ایستییر.
ایسپانیا آنایاسا محکمه‌سی‌نین، پویگدمونتون کئچمیش وظیفه‌سینه قاییتماق اوچون آند ایچمه مراسیمی ایجلاسیندا شخصاً قاتیلماسی لازیم اولدوغونا حؤکم ائتمه‌سی‌نین آردین‌دان قاچاق کاتالون لیدر، کاتالونیانی بروکسل‌دن ایداره ائتمک اوچون بارسئلوناداکی حکومته علاوه اولا‌راق "سورگون حکومتی" قورماق ایستدیگینی آچیقلادی.
بلژیک رسمی خبر آژانسی خبرینه گؤره، پویگدمونت، کاتالونیاداکی حکومته ده اؤز پارتیسین‌دن بیر یاردیمچی گؤندرجگینی بیلدیریب.
" جمهوریت شورای" آدلان‌دیریلا‌جاق "سورگون حکومتی‌نین" قورولوش تاریخی‌نین 18 فوریه اولا بیله‌جگینه ایشاره ائدن پویگدمونت، آند ایچمه مراسیمینی ده بروکسل‌ده کئچیرجگینی دئییب.
حاقیندا بیرطرف‌لی موستقیل‌لیک تشببوسون‌دکی رولو سببیله "دولته قارشی عصیان و باش قالدیرما "، "قیام" و "دولت مالینی سوی-ایستیفاده ائتمک" اتهام‌لاری ایله حبس اولونما قراری اولان پویگدمونتون، ایسپانیایا آیاق باسدیغی آندا حبس اولونماسی گؤزلنیلیر.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
