آنتونیو گورتز، سوریه‌ده شیمیایی سیلاحین ایستیفاده ائدیلمه‌سینی قینادی
بمت باش کاتیبی‌نین سؤزچولرین‌دن فارهان حاق، گونده‌لیک مطبوعات بریفینگینده، سون هفته‌لرده سوریه‌دن، شیمیایی سیلاح ایستیفاده ائدیلدیگینه دایر گلن خبرلردن سون درجه ناراحات اولدوق‌لارینی دئییب
بیرلشمیش میللت‌لر تشکیلاتی‌نین باش (بمت) کاتیبی آنتونیو گورتز، سوریه‌ده هر جور شیمیایی سیلاحین ایستیفاده ائدیلمه‌سینی ان گوجلو شکیلده پیسله‌یه‌رک، بمت امنیت شوراسینا (بمگک) وظیفه‌لی‌لرین معین اولونماسی اوچون اتفاق چاغیریب.
بمت باش کاتیبی‌نین سؤزچولرین‌دن فارهان حاق، گونده‌لیک مطبوعات بریفینگینده، سون هفته‌لرده سوریه‌دن، شیمیایی سیلاح ایستیفاده ائدیلدیگینه دایر گلن خبرلردن سون درجه ناراحات اولدوق‌لارینی دئییب.
شیمیایی سیلاح ایستیفاده‌سی‌نین هئچ بیر شکیلده قبول ائدیله بیلمیه‌جگینی بیل‌دیرن حاق، گورتزین سوریه‌ده هر جور شیمیایی سیلاحین ایستیفاده ائدیلمه‌سینی ان گوجلو شکیلده قینادیغینی ایفاده ائتدی.
حاق، گورتزین بمت امنیت شوراسینا سوریه‌ده شیمیایی سیلاح ایستیفاده ائدن‌لرین معین اولونماسی اوچون بیرلیک چاغیریشینی تکرار ائتدیگینی سؤزلرینه علاوه ائدیب.
آمریکا، بمت امنیت شوراسینا سوریه‌دکی شیمیایی سیلاح ایستیثمارین‌دان رژیمی مسئول توتان و شیمیایی سیلاح ایستیفاده ائدیلمه‌سینی پیسله‌ین بیانات وئرمیش، روسیا، رژیمی گوناهلان‌دیران بو آچیقلامایا قارشی چیخمیشدی.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
