وینده آشیری ساغچی حکومتین سیاستلرینی اعتراض ائتدی
نوماییشچیلر، "ماوی (FPÖ) -سیاه (ÖVP) حاکمیته خیر" و "نازی رهبرلیگینه خیر" یازیلی پلاکاردلار آچاراق، تخمینن 2 ساعت مدتین یوروشون آردیندان هوفبورگ سارایینین اؤنوندکی قهرمانلار میدانیندا توپلاشدی
![وینده آشیری ساغچی حکومتین سیاستلرینی اعتراض ائتدی](http://cdn.trt.net.tr/images/xlarge/rectangle/75a6/1048/a7c6/5a5b07bfcd96b.jpg?time=1719341052)
اوتریشین باشکندی وینده 60 میندن چوخ گؤستریجی، آشیری ساغچی حکومتین موحاجیرت، خاریجی علیهداری و ایسلاموفوبیک سیاستلرینی اعتراض ائتدی
نوماییشچیلر، "ماوی (FPÖ) -سیاه (ÖVP) حاکمیته خیر" و "نازی رهبرلیگینه خیر" یازیلی پلاکاردلار آچاراق، تخمینن 2 ساعت مدتین یوروشون آردیندان هوفبورگ سارایینین اؤنوندکی قهرمانلار میدانیندا توپلاشدی.
پولیسین گئنیش امنیت تدبیری آلدیغی تاماشادا دانیشان غیری-حکومت تشکیلاتی Asyl in Not صدری مایکل گنر،
وینده تخمینن 13 مین گؤچمن مرجعت دیلکجهسی وئرن اینسان، شهرین موختلیف یئرلرینده یاشاییر، رادیکال ساغچی حکومت بو اینسانلاری پولیس گوجونه معین یئرلره توپلایاراق دپورت ائتمک ایستییر. آنایاسا ضد بو وضعیته هئچ بیر شرطده ایمکان وئرمملیگیک" دئیه دانیشدی.
اوتریش یاردیم تشکیلاتی وولک هیلفر سؤزچوسو اریک فنینگر ده، بو میتینگله هر کس اوچون یاشانا بیر حیات، اینسان حاقلاری، عیرقچیلیک و آیری-سئچکیلیک علیهینه بیر اؤلکه هدفه آلدیقلارینی ایفاده ائدیب.
موسلمان وطنداش جمعیتی شبکهسی (NMZ) آدیندان دانیشان گؤزده تاشکایا ایسه، بو آعتراضا قوشولاراق یئنی حکومتین عدالتسیز و اینسانلیق غورورونو هئچه سایان پروقرامینی اعتراض ائتمک ایستدیکلرینی دیله گتیردی.
تاشکایا، یئنی حکومتین اؤلکهده یاشایان موسلمانلار اوزریندن آپاردیغی منفی سیاستلرله جمعیتین اساس پروبلملرینین اؤرت-باسدیر ائدیلمهیه چالیشیلدیغینی وورغولادی.