ترامپا ایران چاغریسی

فرانسا پرزیدنتی امانوئل مکرون، آمریکا پرزیدنتی دونالد ترامپی، ایران ایله واریلان آنلاشمایا اویمایا چاغیردی.

الیزا ساراییندان وئریلن یازی‌لی آچیقلامایا گؤره، ایکی لیدئر، ایران ایله ۲۰۱۵ده ائدیلن نوکلئر آنلاشما و قوزئی کره مسئله‌لرینی مذاکیره ائتدیکلری تلفن دانیشیغی گرچکلشدیردی.

پرزیدنت مکرون، فرانسانین، ایران ایله ائدیلن نوکلئر آنلاشما‌نین تامامیله تطبیق اولونماسین‌داکی قرارلیلیغینا و بوتون امضاچیلار طرفیندن وئریلن سؤزلره رعایت ائدیلمه‌سینین اؤنمینه توخوندو.

مکرون، اورتادوغودا دائمی ثابیتلیگین تامین اولونماسی آماجی ایله ایران ایله بالیستیک پروگرامی و بؤلگه‌سل سیاستی اوزریندن گوجلندیریلمیش بیر دیالوگ قورولماسینین یانی سیرا واریلان آنلاشمانین دوغرو بیر شکیل‌ده قوه‌یه قویولموش اولماسی لازیم اولدوغونو قید ائتدی.

فرانسا پرزیدنتی، ۸-۱۰ ژانویه تاریخلری آراسین‌دا چینه سفری زامانی گوند‌مه گلن قوزئی کره ایله باغلی گلیشمه‌لر حاقین‌دا دا ترامپا معلومات وئردی.

مکرون، قوزئی و گونئی کره آراسین‌دا سون گونلر یئنی‌دن ارتباط قورولماسینین اولوملو بیر گلیشمه اولدوغونو وورغولادی.