امریکا پاکیستانا یاردیمی دایاندیردی

آمریکا مدافعه ناظیرلیگی (پنتاگون) 2017-2018 مالیه ایلی اوچون پاکیستانا حربی عملیات‌لار مقابیلینده ائدیله‌جک 900 میلیون دو‌لارلیق یاردیمی دایاندیردیغینی آچیقلادی.

پنتاگونون سؤزچوسو آلبای روب مانینگ همین موضوع ایله علاقه‌لی وئردیگی آچیقلامادا بیلدیردی کی، پاکیستانا ائدیله‌جک حربی یاردیم دایاندیریلدی. پاکیستانین آختاریشدا اولدوغوموز تروریست و سلاح‌لی قروپ‌لارا قارشی جدی آدیم‌لار آتاجاغینی اومید ائتدیگیمیز اوچون بو مالیه یاردیمی لغو ائدیلمه‌دی یاخود یئنی‌دن پروقراملاشدیریلمادی.

2016 مالیه ایلی بودجه‌سی چرچیوه‌سینده 540 میلیون دو‌لارین مارت آییندا پاکیستانا وئریلدیگینی ایفاده ائدن مانینگ 2017-جی ایله عایید مالیه ایلی بودجه‌سینده ایکی ایللیگینه پلان‌لاش‌دیریلان یاردیم‌لارین وضعیتی‌نین ده بو مالیه ایلین آخیری اولان اوکتیابر آیینادک قیمتلندیریله جگینی ایفاده ائتدی.

مانینگ اؤلکه‌سی‌نین پاکیستان‌دان نه گؤزلدیگی‌نین آچیق اولدوغونو وورغولایا‌راق بیلدیردی کی، طالبان و حقانی قروپو لیدرلری‌نین و هوجوم پلان‌لاش‌دیران‌لارین آرتیق پاکیستان اراضی‌لرینده اولماماسی و اوردان هوجوم ائتمه‌مه‌لری لازیم‌دیر. امریکا همین مقصدله پاکیستانا آتاجاغی سوموت آدیم‌لاری چاتدیردی. آیری-سئچکی‌لیک ائتمه‌دن بوتون تروریست قروپ‌لارا قارشی امریکا پاکیستان ایله بیرگه ایشلمه‌یه حاضردیر.