"ایران رژیمینین قوربانلارینا: اونودولمایاجاقسینیز"

آمریکا، ایران‌داکی اعتراضلاردا بو گون قدر اولان اؤلوملری و مینه یاخین انسانین توتوقلانماسینی ان سرت شکیلده قینادیغینی بیلدیردی.

آمریکا خاریجی ایشلر باخانلیغی سؤزچوسو هدر ناوئرت، ایران‌دا داوام ائد‌ن اعتراضلارا دایر وئردیگی یازی‌لی آچیقلامادا، "ایران‌دا گؤستریچیلره قارشی شدت حادثه‌لرینین" یاخین‌دان تعقیب ائدیلدیگینه دقت چکدی.

ناوئرت، بونلاری قید ائتدی:

"حوکومت کوچه‌لره چیخان جسور خالقی اؤلدورمه‌یه و حبسه آتماغا داوام ائدیر. بو گونه قدر اولان اؤلوملری و مینه یاخین انسانین حبس اولونماسینی ان سرت شکیل‌ده قیناییریق. گؤستریچیلره قارشی شدت تطبیق ائد‌نلری، سانسورا کؤمک ائد‌نلری و ایران خالقین‌دان اوغورلایانلاری مسئول توتاجاق بولجا صلاحیتیمیز وار. رژیمین قوربانلارینا: اونودولمایاجاقسینیز".

آمریکا پرزیدنتی دونالد ترامپ دا تویتر حسابی اوزرین‌دن، ایران‌داکی گؤستریچیلره دستک وئرمیشدی.

آمریکا خاریجی ایشلر باخانلیغی اعتراضلار سونرا یاییملادیغی ایلک یازیلی آچیقلامادا، ایران‌داکی پروسه‌لری یاخین‌دان تعقیب ائتدیکلرینی بیلدیرمیش، "ایران خالقی اوچون دستگیمیزی بیر چوخ فرق‌لی اورتامدا ایفاده ائدیریک" دئمیشدی.