ناتونون رسمی مارشی تصدیقلندی

ناتو 29 ایل مودتینده موختلیف تدبیرلرده چالینان مارشی رسمی مارش اولا‌راق تصدیقله‌دی.

ناتونون 40-جی ایلدؤنومو اوچون لوگزامبورگ حربی اورکستری‌نین دیریژورو آندره رچلینگ طرفیندن 1989-جو ایلده بسته‌لنمیش "ناتو مارشی" تشکیلاتین تاریخیندکی ایلک رسمی مارشی اولدو.

ناتو اوچون مارش فعالیت‌لری 1950-جی ایللره گئدیب چیخیر. 1958-جی ایلده اینگیلیس هیلدبراند پرستون او دؤورده فرانسانین پایتاختی پاریس-ده اولان ناتو قرارگاهینا گئدن یوکسک سویه‌لی قوناق‌لارین قارشیلانماسیندا ایستیفاده ائدیلن مراسیم مارشینی بسته‌له‌ییب.

ناتونون اونونجو ایلی اولان 1959-جو ایلده ایسه آلمان هاوا قوه‌لرینده وظیفه‌لی یوزباشی هانس لورنز طرفیندن بسته‌لنن، سوزلری ایسه هلندلی استفانوس وان دام و امریکالی لئون وان لوئن طرفین‌دن یازیلان ناتو ماهنی سیندان ایستیفاده ائدیلیب.

1960 -جی ایلده او دؤورون عضوو اولان اون بئش اؤلکه‌نین میللی مارش لارینین بیرلشمه‌سین‌دن عبارت مارش قبول ائدیلیب.

بون‌لار آراسیندا ان چوخ تقدیر ائدیلن ریچلینگ‌ین بسته‌سی اولدو و 29  ایلدیر "de facto"  مارشا چئوریلدی.

تورکیه‌نین ده آرا‌لاریندا اولدوغو بوتون ناتو عضو‌لری‌نین نماینده‌لرین‌دن عبارت اولان قوزیی آتلانتیک شوراسی هر هانسی بیر سؤز احتیوا ائتمه‌ین و 20 موسیقی آلتی ایله چالینان "ناتو مارشی" اوچون ژانویه نین 3-ده تصدیقله‌دی.