امریکا پاکیستانا تهلوکهسیزلیک یاردیمینی دایاندیردی
سوزچوسو نه قدر یاردیمین دایاندیرماسی ایله باغلی معلومات وئرمهدی.
امریکا خاریجی ایشلر ناظیرلیگینین سوزچوسو هدر نائورت گونده لیک مطبوعات کنفرانسیندا امریکا ایله پاکیستان آراسیندا سون دوورده یاشانان دیپلوماتیک گرگینلیک ایله باغلی معلومات وئردی.
نائورت، طالبان و حقانی قروپو کیمی قروپلارا قارشی چوخ قطعیتلی آدیملار آتانا قدر پاکیستانا تهلوکه سیزلیک یاردیمینی دایاندیریریق، ایفاده لرینی ایشلتدی.ا
سوزچوسو نه قدر یاردیمین دایاندیرماسی ایله باغلی معلومات وئرمهدی.
نائورت پاکیستان حاققیندا حالا چالیشمامیز داوام ائدیر دئدی.
بو گون بیز تصدیق ائده بیلریک کی، پاکیستانا میللی تهلوکهسیزلیک ساحهسینده یاردیمی دایاندیریریق.
نائورت قئید ائتدی کی، پاکیستان داها چوخ قطعیتلی حرکتلر ائتمهلیدیر و تروریستلر اوچون تهلوکهسیز بؤلگه یاراتمامالیدیر.
"پاکیستانلا علاقهلریمیزی برپا ائدجییمیزه اومید ائدیریک" – دئیه نائورت وورغولادی.
داها اول امریکا مطبوعاتی دونالد ترامپ حکومتینین پاکیستانا تهلوکهسیزلیک ساحهسینده یاردیمین دایاندیریلماسی پلانینی اعلان ائتمهیه حاضیرلاشدیغینی خبر وئریب.
پاکیستانین خاریجی ایشلر ناظیری خوجا محمد آصف ایسه ترامپین آچیقلامالارینا سرت رئاکسیا گؤسترهرک "بحث موضوع سو ادعالارین اساسسیز اولدوغونو" قئید ائتمیشدی.
ایلگیلیلی خبرلر
کاتالونیا موختار بؤلگهسینده پارلمان سئچیملری
کاتالونیادا آیریلیقچی جهدلرین باشلادیغی 2010-جو ایلدن بری 6-جی نؤبهدن کنار سئچکی دونن کئچیریلیب