گوونلیک شوراسی، ایران گوندمی ایله توپلاناجاق

بیرلشمیش میلتلر گوونلیک شوراسی، آمریکانین طلبی اوزرینه اورتادوغو گوندمی ایله بوگون توپلاناجاق. (تورکیه ساعاتی ایله ۲۳.۰۰)

آمریکا توپلانتی‌دا ایران‌دا داوام ائد‌ن اعتراضلاری گوندمه گتیرمک ایستییر آنجاق واشینگتون رهبرلیگینی ایرانین ایچ ایشلرینه قاریشماقلا سوچلایان روسیا، توپلانتی‌دا ایران‌داکی پروسه‌لرین مذاکیره‌سی اوچون شورادان اویلاما طلب ائده‌بیلر.

ایران‌داکی گلیشمه‌لرین مذاکیره‌سی اوچون سس‌وئرمه طلب ائدیلمه‌سی وضعیتین‌ده ایسه شورانین ۱۵ عضوون‌دن ۹ونون اونایی لازیم‌دیر.

آمریکانین بیرلشمیش میلتلر دایمی نماینده‌سی نیکی هیلی، ایران‌دا داوام ائد‌ن اعتراضلار و شدت حادثه‌لری ایله باغلی گوونلیک شوراسینی عاجل توپلانمایا چاغیاجاقلارینی سؤیله‌میشدی.

آمریکا پرزیدنتی دونالد ترامپ ایسه "پوزولموش اولان حکومتلرینی گئری قایتارماق اوچون چالیشان ایران خالقینا حؤرمتله یاناشیرام. واختی گلن‌ده آمریکادان بؤیوک دستک گؤرجکسینیز" آچیقلاماسینی ائتمیشدی.

ایران، اؤلکه‌ده داوام ائد‌ن اعتراضلارلا باغلی اولاراق ایچ ایشلرینه قاریشماق‌لا سوچلادیغی آمریکانی بیرلشمیش میلتلره شیکایت ائدیب، ایرانین بیرلشمیش میلتلر دایمی نماینده‌سی غلامعلی خوشرو، باش کاتیب آنتونیو گوترش و گوونلیک شوراسینا گؤندردیی مکتوب‌دا،

"آمریکا حکومتی گؤستریلره دستک وئرمک بهانه‌سی ایله معناسیز بیر شکیل‌ده ایرانین ایچ ایشلرینه مداخیله‌سینی آرتیردی. آمریکا پرزیدنتی و یاردیمچیسی، چوخ سایی‌دا تویت ایله ایران‌لیلاری تحریک ائدیجی حرکتلره تشویق ائتدی" ایفاده‌لرینی ایشلتمیشدی.