"سوریه‌ده بیزیم ایشیمیز بیتمه‌دی"
ناوئرت، گون‌ده‌لیک مطبوعات کنفرانسین‌دا گوند‌مه دایر آچیقلامالار وئردی
آمریکا خاریجی ایشلر باخانلیغینین سؤزچوسو هدر ناوئرت، روسیا پرزیدنتی ولادیمیر پوتینین روس عسگرلرینی سوریه‌دن چکه‌جیی یولون‌دا‌کی آچیقلاماسینا دایر،
"اگر روسیا چکه‌جک‌سه، بو، اونلارین سئچیمی آنجاق بیز متفیقلریمیزله اؤلکه‌ده ثابت‌لیک تامین ائتمه‌یه داوام ائدجییک" دئدی.
ناوئرت، گون‌ده‌لیک مطبوعات کنفرانسین‌دا گوند‌مه دایر آچیقلامالار وئردی.
پوتینین روس عسگرلرینی سوریه‌دن چکه‌جیی باره‌ده آچیقلاماسینین گوند‌مه گتیریلمه‌سی ایله بو قونویا توخونان ناوئرت، بئله دانیشدی:
"چوخ ماراق‌لی؛ روسیا سوریه‌ده وظیفه‌نین بیتدیگینی دوشونه‌بیلر. سوریه‌ده بیزیم ایشیمیز بیتمه‌دی. بیز دئینده آمریکانی، بوتون کوالیسیون گوج‌لرینی نظرده توتورام. ترور هؤرگوتو داعشین الین‌ده اولان یئرلر وار، اؤلکه‌ده (سوریه) هله ده ثابیتلیگین تامین اولونماسی لازیم‌دیر. اگر روسیا چکه‌جک‌سه بو، اونلارین سئچیمی آنجاق بیز متفیقلریمیزله اؤلکه‌ده ثابت‌لیک تامین ائتمه‌یه داوام ائدجییک".
ناوئرته، آمریکادا یاییملانان نیویورکر درگیسین‌دکی مقاله‌ده گئچن "آمریکا، سوریه پرزیدنتی بشار اسدله ۲۰۲۱.جی ایله قدر وظیفه‌ده قالماسی مسئله‌سین‌ده آنلاشدی" ادعاسی سوروشولدو.
آمریکانین سوریه مسئله‌سین‌ده ژنو پروسه‌سینی ایزله‌دیگینی بیلدیره‌ن ناوئرت،
"سوریه‌نین گله‌جگین‌ده اسدین اولاجاغینی دوشونموروک. بو، سوریه خالقینین وئرجیی بیر قراردیر" دئیه دانیشدی.
