کوره یاریم آداسینداکی موناقیشهنین محتمل باشلاما سناریوسو
"2019ون مارس آییندا، سرحدلری یاخینلیغینداکی داواملی مانورلاردان بئزن شمالی کورهلیلر سهون سیویل اوچاغی آمریکان بومباردمان اوچاغی حساب ائدهرک وورورلار
جیمز مارتین سیلاحلارین یاییلماماسی آراشدیرمالاری مرکزی شرقی آسیا پروقرامینین دیرکتورو جفری لویس، کوره یاریم آداسینداکی موناقیشهنین محتمل باشلاما سناریوسونو یازدی.
لویس واشینگتون پست اوچون قلمه آلدیغی یازیدا، حادثهلرین بو شکیلده اینکیشاف ائدجگینی بیلدیریب:
"2019ون مارس آییندا، سرحدلری یاخینلیغینداکی داواملی مانورلاردان بئزن شمالی کورهلیلر سهون سیویل اوچاغی آمریکان بومباردمان اوچاغی حساب ائدهرک وورورلار. بونا جواب اولاراق جنوبی کوره دولت باشقانی مون جه-این، سرحد بؤلگهدکی هدفلره سالدیری امری وئریر. عینی زاماندا آمریکا باشقانی دونالد ترامپ، توئیتر حسابیندان وئردیگی آچیقلامادا، "کیچیک موشک آدام اوزون مدت دایاناماز. پیونگ یانگ بو ایفادهلری بیرباشا تهدید و اؤنلییجی نوکلئر سالدیری اوچون سیگنال اولاراق گؤرور. قوزئی کورهنین الیندکی 48 موشکدن 36سی آتیلیر. بیر بؤلومو هدفه چاتماسا دا، دیگرلری ژاپونیا و جنوبی کورهدکی هدفلره بؤیوک ضربه ائندیریر. دیگر طرفدن آمریکا، شمالی کورهیه قارشی گئنیش سالدیری تشکیل ائدیر. کیم ژونگ دا الده قالان موشکلرین ده آتیلماسی امرینی وئریر. سان دیگو و پرل هاربور نیظامی پایگاهلار ایله نیویورک و واشینگتون سالدیرقان معروض قالیر. موشکلرین اوچده ایکیسی آمریکانین هاوا ساوونما سیستمی موشک علیهینه ساوونما سیستمینی کئچیر اوغورلو اولور. منهتاندا مقصده اویغون سالدیری اوزوندن 1 میلیوندان چوخ اینسان اؤلور، واشینگتوندا قوربان ساییسی 300 مین نفر اولور. ترامپ، جانینی فلوریداداکی سیغیناجاغا گیزلنهرک قورتاریر. کیم ژونگ جسدی ده سیغیناجاقدا آشکار ائدیلیر، شمالی کوره لیدرینین اینتیحار ائتدیگی معلوم اولور".
ایلگیلیلی خبرلر
تانزانیا-دا داشقینلار نتیجهسینده 155 نفر اؤلوب
تانزانیا-دا گوجلو یاغیشلارین سبب اولدوغو داشقینلار نتیجهسینده آزی 155 نفر اؤلوب.