پوتین و ترامپ آراسیندا تلفون دانیشیغی اولوب
تلفون دانیشیغینین تورکیه، روسیا و ایران لیدرلرینین ایشتیراکی ایله سوچی-ده بوگون باش توتاجاق سوریا موضوعلو اوچ طرفلی ییغینجاق عرفه سینده اولماسی دقت چکدی.
روسیا و آمریکا پرزیدنتلری ولادیمیر پوتین و دونالد ترامپ تلفونلا قوزیی کره و افغانیستانداکی وضعیت و ایرانین اتم پروگرامی ایله باغلی مسئلهلری موذاکیره ائدیبلر.
کرملین مطبوعات خیدمتینین یایدیغی معلوماتدا بیلدیریلیر کی، طرفلر قوزیی کره یاریماداسینداکی وضعیتله باغلی فیکیر موبادیلهسی آپاریبلار و پروبلمین دانیشیقلار و دیپلوماتیک واسطهلرله حلی یوللارینین آختاریلماسینین مقصده اویغون اولدوغونو قئید ائدیبلر. ایکی اؤلکه لیدری همچنین ترور و اویوشدوروجو تهلوکهسینین آرتماسی ایله علاقهدار ناراحاتلیق یارادان افغانیستانداکی وضعیته توخونوبلار.
"ایرانین اتم پروگرامی ایله باغلی یارانان وضعیت ده موذاکیره اولونوب"، - دئیه معلوماتدا قئید ائدیلیب.
پوتین همچنین سوریه جمهور باشقانی بشار اسدله کئچیردیگی گؤروش حاقیندا ترامپا معلومات وئریب.
بیلدیریلیب کی، ولادیمیر پوتین سیاسی پروسهسه و آنایاسا اصلاحاتلاری ایله پرزیدنت و پارلامنت سئچیم لرینین کئچیریلمهسینه صادق اولدوغونو تصدیقلهین اسدله نوامبرین 20-ده باش توتان گؤروشون نتیجهلری بارهده ترامپا معلومات وئریب.
بیر ساعتا یاخین داوام ائدن تلفون دانیشیغینین تورکیه، روسیا و ایران لیدرلرینین ایشتیراکی ایله سوچی-ده بوگون باش توتاجاق سوریا مؤضوعلو اوچ طرفلی ییغینجاق عرفه سینده اولماسی دقت چکدی.