روسیا: آمریکا ساوونما ناظیری جیمز متیسین آچیقلامالارینی تعجب ایله قارشیلادیق
زاخارووا، امنیت شوراسینین آمریکایا سوریه مسئلهسینده مسئولیت وئرمدیگینی وورغولاییب
روسیا خاریجی ایشلر ناظیرلیگی سؤزچوسو ماریا زاخارووا، آمریکا اوردوسونون سوریه تورپاقلارینا بیرلشمیش میللتلرین ایجازهسی ایله گیردیگینی سؤیلهین آمریکا ساوونما ناظیری جیمز متیسین آچیقلامالارینی تعجب ایله قارشیلادیقلارینی دئییب.
زاخارووا،
بو" مسئلهنین هاوادا قالماماسی اوچون بمت-نین هانسی مسئولیتیندن بحث ائدیلدیگینی اؤیرنمک ایستییرم. بو مسئولیتی کیم، نه واخت وئردی؟ بلکه ده بیر سندین نوسخهسی وار" دئدی.
بمت نیظامنامهسینه گؤره اولوسلارآراسی جمعیتین نیظامی گوج تطبیقی بارهده قرار آلما مسئولیتینه مالیک یگانه قورومون بمت امنیت شوراسی اولدوغونو قید ائدن زاخارووا، امنیت شوراسینین آمریکایا سوریه مسئلهسینده مسئولیت وئرمدیگینی وورغولاییب.
زاخارووا، متیسین آمریکا اوردوسونون سوریهدان آنجاق ژنودکی باریش دانیشیقلاریندا کیفایت قدر ایرلیلییش الده اولوندوغونون بللی اولدوقدان سونرا چیخاجاغینا دایر سؤزلرینی ده موناسیبت بیلدیریب.
زاخارووا، متیسین سؤزلری قارشیسیندا،
ایلرلمهنین" یئترلی اولوب-اولمادیغینی کیم معین ائدیر؟ سیاسی مسئولیت معیاری ندیر"؟ سواللارینی یؤنلتدی.
آمریکا ساوونما ناظیری جیمز متیس، سوریهده باریش یولو ایله حلّ اوچون کئچیریلن ژنوه دانیشیقلاری باشا چاتانا قدر آمریکا اوردوسونون سوریهده قالاجاغینی سؤیلمیشدی.
سوریهده یئنی اسکیکلیک زونالارینین یارادیلماسینی دستکلهین متیس، بیرلشمیش میللتلرین آمریکایا سوریهده داعش ایله دؤیوشمه ایجازه وئردیگینی مدافعه ائتمیشدی.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.