20 ثانیه تئز قالخان ترن اوچون عذر ایستهدیلر
شیرکت، ترنلریندن بیرینین 20 ثانیه تئز قالخماسی ندنی ایله یولچولاردان عذر ایستهدی
ژاپندا بیر دمیریولو شیرکتی، ترنلریندن بیرینین 20 ثانیه تئز قالخماسی ندنی ایله یولچولاردان عذر ایستهدی.
شیرکتدن وئریلن یازیلی آچیقلامادا، 14 نوامبردا توکیو ایله تسوکوبا آراسیندا سیاحت ائدن تسوکوبا اکسپرس خطینین، مینا ناگاریاما دوراغیندان پلانلاشدیردیغی کیمی، یئرلی واختلا ساعات 09.44 یئرینه 20 ثانیه اول حرکت ائتدیگی خاطیرلادیلدی.
خطانین، پرسونلین تعرفهنی کنترل ائتممهسی ایله اولدوغو بیلدیریلن آچیقلامادا، ارکن حرکتین سبب اولدوغو چتینلیکلر اوچون عذر ایستنیلدی.
آچیقلامادا، هئچ بیر یولچودان مسئله ایله باغلی شیکایت گلمدیگی بیلدیریلدی.
دونیانین ان گوونلی و قالابالیق دمیر یولو خطلرینه مالیک اولان ژاپندا بیر قاتارین تعرفه دیشی حرکت ائتمهسی چوخ نادیر میدانا گلیر.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.