کاتالونیا باغیمسیزلیق اعلان ائتدی
"ایسپانیا، تاریخی‌نین ان بؤیوک تهلوکه‌سی ایله قارشی قارشییا‌دیر"
کاتالونیا اؤزارک یؤنه‌تیمی پارلمانی ایسپانیادان تک طرف‌لی باغیمسیز‌لیغینی اعلان ائتدی.
پارلمان اوتوروم اولینده ایلک اولا‌راق گئچیردیگی سس وئرمه‌ده ایسپانیادان آیریلماق اوچون لازیم پروسه‌نین باشلادیلماسینی دا قبول ائتدی.
کاتالان وکیل‌لر داها سونرا مستقیل‌لیک اعلان ائدیلیب ائدیلممه‌سینه قرار وئرمک اوچون گیزلی سس وئرمه باشلاتدی.
گیزلی سس وئرمه سونوندا کاتالونیانین ایسپانیادان مستقیل‌لیگینی اعلان ائتمه‌سی تصدیق اولوندو.
کاتالونیانین ایسپانیادان آیریلماسینا قارشی چیخان خالق پارتیسی، سوسیالیست پارتی و یوردداشلار-دان وکیل‌لر ایسه سس وئرمه‌یه اعتراض ائده‌رک بینا‌دان آیریلدی.
ایسپانیادان مرکزی حکومت ده، کاتالونیانین مستقیل‌لیک قرارینا قارشی اؤنملی بیر آددیم آتدی. ایسپانیا باشباخانی ماریانو راخوی کاتالونیانی بیرباشا یؤنتمه تکلیفی ائتدی.
دیگر طرف‌دن، راخوی، "کاتالونیادا آنایاسال دوزه‌نی یئنیدن ساغلایاجاییق" دئدی.
آوروپا بیرلیگی کمیسیونو، هر هانسی بیر آچیقلاما وئرمک‌دن چکیندی.
بو آرادا، ایسپانیا سناسی، کاتالونیانین اؤزارکلیگی‌نین قالدیریلماسینی دانیشیر.
راخوی، سنا‌دان کاتالان لیدئر پوجدمونو وظیفه‌دن آلماق اوچون چالیشمالاری باشلاتماسینی ایسته‌دی و "ایسپانیا، تاریخی‌نین ان بؤیوک تهلوکه‌سی ایله قارشی قارشییا‌دیر" دئدی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
