کوالا لامپوردا دینی تحصیل وئرن بیر مکتب یوردوندا چیخان یانغیندا 24 نفر اؤلدو
کوالا لومپور امنیت مودیری آمار سینگه، یانغیندا اؤلن طلبه‌لرین 13 ایله 17 یاش آراسی اولدوغونو آچیقلادی
806769
مالزی‌نین باشکندی کوالا لامپوردا دینی تحصیل وئرن بیر مکتب یوردوندا چیخان یانغیندا 24 نفر اؤلدو.
مسئول‌لار، شهرین خاریجینده یئر آلان اوچ مرتبه‌لی بینادا گئجه چیخان یانغیدا بیر ساعت ایچینده سؤندورولدوغونو، شوشه‌لرده دمیر بارماق‌لیق تاپیلماسی و چیخیشین دیوارلا باغلانیلماسی سببیله ایچریده سیخیشیب قالان 22 نفر شاگیرد و 2 معلمین اؤلدوغونو بیلدیردی.
کوالا لومپور امنیت مودیری آمار سینگه، یانغیندا اؤلن طلبه‌لرین 13 ایله 17 یاش آراسی اولدوغونو آچیقلادی.
قیسا دؤوره‌نین سبب اولدوغو سانیلان یانغین‌دان 14 شاگیرد و 4 معلم قورتاریلدی، 6-سی خسته‌خانایا قالدیریلدی.
مالزی‌نین کئداه ایالتینده 1989-جو ایلده دینی تحصیل تکلیف ائدن خصوصی مکتبده 27 قیز شاگیرد اؤلدو.
