دونیادا یاشایان انسان ساییسی آچیقلاندی

دونیا جمعیتی‌نین (7،4 میلیارد) یوزده 36،3ونو چین و هیندیستاندا یاشایان‌لار تشکیل ائدیر.

دونیا بانکی‌نین معلوماتینا گؤره، 1960.جی ایلده تخمینا 3 میلیارد نفر اولان دونیا جمعیتی، 1970.جی ایلده 3،7 میلیارد، 1980.جی ایلده 4،4 میلیارد، 1990.جی ایلده 5،3 میلیارد، 2000.جی ایلده 6،1 میلیارد، 2010-جی ایلده 6،9 میلیارد، 2016.جی ایلده ایسه 7،4 میلیارد نفره چاتدی.

دونیا جمعیتینین بو ایلین سونوندا 7،6 میلیارد نفری گئچه‌جیی، 2050.جی ایلده ده 9 میلیارد نفره چاتاجاغی تخمین ائدیلیر.

معلومات‌لارا گؤره، 216 اؤلکه ایچینده دونیانین ان قالابالیق اؤلکه‌سی 1 میلیارد 378 میلیون 665 مین اینسانین یاشادیغی چین خالق جمهوریتی. دونیا جمعیتی‌نین تخمینا یوزده 18،5ینه صاحب چین، جمعیت باخیمین‌دان تخمینا تورییه جمعیتی‌نین 17، آمریکا‌نین جمعیتی‌نین ایسه 4 قاتی ائدیر.

دونیادا ان قالابالیق جمعیته صاحب ایکینجی اؤلکه ایسه 1 میلیارد 324 میلیون 171 مین نفرلیک هیندیستان. هیندیستان، بو جمعیت ایله دونیا جمعیتی‌نین یوزده 17،8ینه صاحب.

ان چوخ جمعیتیه صاحب اؤلکه سیرالاماسیندا اوچونجو سیرادا اولان و دونیا جمعیتی‌نین تخمینا 4،3ونو باریندیران آمریکادا ایسه 323 میلیون 127 مین نفر یاشاییر. آمریکانی، 261 میلیون 115 مین نفرلیک جمعیته صاحب اندونزی و 207 میلیون 652 مین نفرلیک جمعیته صاحب برزیل ایزله‌ییر.

چین، هیندیستان، آمریکا، اندونزی و برزیلین توپلام جمعیتی، دونیا جمعیتی‌نین یوزده 47سینی اولوشدورور.

جمعیت باخیمین‌دان دونیانین ان قالابالیق 6.جی اؤلکه‌سی 193 میلیون 203 مین نفرلیک جمعیته صاحب پاکیستان. پاکیستانی 185 میلیون 989 مین نفرلیک جمعیت ایله نیجریه و 162 میلیون 951 مین نفرلیک جمعیت ایله بنگلادش تعقیب ائدیر.

روسیا فدراسیونو، 144 میلیون 342 مین نفرلیک جمعیت ایله دونیانین 9.جو قالابالیق اؤلکه‌سیدیر. جمعیت باخیمین‌دان ان قالابالیق 10.جو اؤلکه ایسه 127 میلیون 540 مین نفرلیک جمعیتی ایله مکزیک.

تورکیه، 79 میلیون 512 مین نفرلیک جمعیتی ایله دونیادا 18.جی سیرادا یئرلشیر. تورکیه‌نین دونیا جمعیتینده صاحب اولدوغو پای ایسه یوزده 1،06.

تورکیه جمعیتی‌نین، بو ایلین سونوندا 80 میلیون نفری، 2034.جو ایلده ده 90 میلیون نفری گئچه‌جیی تخمین ائدیلیر.