آمریکادا ویزا قاداغاسی قوهیه گیردی
سوریه، ایران، لیبی، سودان، سومالی و یمندن ائدیلهجک یئنی ویزا مراجعتلرینده آختاریلاجاق "قوهوملوق باغی" کاتگوریسینه نیشانلیلیق دا علاوه اولوندو
آمریکا یوکسک محکمهسی طرفیندن بازار ارتهسی گونو قیسما تصدیقلنن و اهالیسینین اکثریتی مسلمان 6 اؤلکهدن یئنی مراجعت ائدهجک وطنداشلاری ائتکیلهیهجک ویزا قاداغاسی قوهیه گیردی.
دونالد ترامپ طرفیندن مارس آییندا آلینان آنجاق محکمهدن دؤنن ویزا قاداغانی، یوکسک محکمهنین قیسما اوناییندان سونرا دونن آخشام تطبیق اولونماغا باشلادی.
خاریجی ایشلر باخانلیغی، قوهیه گیرن و 3 آی عرضینده تطبیقده قالاجاق قاداغانین، هاوالیمانلاریندا خائوسا سبب اولمایاجاغینی، لازیم بوتون تدبیرلرین آلیندیغینی بیلدیردی.
بو قاداغانین باشلادیغی ساعاتلاردا آمریکان مئدیاسینا دانیشان اوست سویه بیر خاریجی ایشلر باخانلیغی یئتکیلیسی، قاداغانا گیرن سوریه، ایران، لیبی، سودان، سومالی و یمندن ائدیلهجک یئنی ویزا مراجعتلرینده آختاریلاجاق "قوهوملوق باغی" کاتگوریسینه نیشانلیلیغین دا علاوه اولوندوغونو بیلدیردی.
بو دییشیکلیکله، بو اؤلکهلردن یئنی ویزا مراجعتینده اولانلارین آمریکادا قانونی ایستاتوسلو یاشایان والیدین، ائش، اوشاق، یئتیشکین اوغلان و یا قیز اوشاغی، کورکن، گلین، نیشانلی و یا قارداشلارینین اولوب اولماماسینا باخیلاجاغی ایفاده ائدیلدی.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.