چین، پاناما ایله دیپلوماتیک علاقهلر قورما موضوعسوندا راضیلاشدی
وانگ و آلوارادونون قاتیلدیغی توپلانتیدا دیپلوماتیک علاقهلرین قورولماسی ایستیقامتینده بیرگه بیانات ایمضالانیب
چین، اورتا آمریکا اؤلکهلریندن پاناما ایله دیپلوماتیک علاقهلر قورما موضوعسوندا راضیلاشدی.
چین خاریجی ایشلر ناظیری وانگ یی و پاناما خاریجی ایشلر ناظیری ایزابل د سنت مالوده آلوارادو، چینین باشکندی پکینده بیر آرایا گلدی.
وانگ و آلوارادونون قاتیلدیغی توپلانتیدا دیپلوماتیک علاقهلرین قورولماسی ایستیقامتینده بیرگه بیانات ایمضالانیب.
ناظر وانگ، پانامانین ایمضالانان معلوماتدا، دونیادا یالنیز بیر دنه چین اولدوغونو، چین خالق جمهوریتی حکومتینین بوتون چینین تک قانونی حکومتی اولدوغونو و تایوانین چینین آیریلماز بیر پارچاسی اولدوغونو قبول ائتدیگینی سؤیلهدی.
تایوان آداسی ایله دیپلوماتیک علاقهلرینی 1954-جو ایلده قوران پانامانین راضیلاشما چرچیوهسینده آدا ایله علاقهلرینه سون وئرجگینی ایفاده ائدن وانگ، بو اورتاق بیاناتین ایکی اؤلکه علاقهلرینین قورولماسیندا تمل اولدوغونو دیله گتیردی.
وانگ، چین و پانامانین قارشیلیقلی حاکیمیت، ماراقلارا حؤرمت و ایچ ایشلره مداخیله اولمادان دوستلوق علاقهلری اینکیشاف ائتدیرمک موضوعسوندا راضیلاشدیغینی قید ائتدی.
دونیادا 90-جی ایللرده 30 جیواریندا اؤلکهنین تانیدیغی تایوان ایله پانامانین دیپلوماتیک علاقهلرینی کسمهسیندن سونرا بو سایی 20-یه ائنیب.
ساو توم و پرینسیپ ده دسامبر آییندا چین ایله دیپلوماتیک علاقهلرینی تخمینن 20 ایل آرادان سونرا باشلاتمیش و تایوانی تانیمانی بوراخدیغینی آچیقلامیشدی.
تایوانلی مسئوللار، ساوتوم و پرینسیپین آدا ایله دیپلوماتیک علاقهلرینی کسمهسینی درین کدر دویولدوغونو بیلدیرمیش، اؤلکهده اولان دیپلوماتلارین گئری چکیلهجگینی قید ائتمیشدی.
چین، اؤز تورپاغی اولاراق گؤردوگو تایوانین دیگر اؤلکهلرله علاقهسینین پکن حکومتی اوزریندن آپاریلماسی لازیم اولدوغونو ساووندو.