حبس‌خانایا سلاحلی سالدیری

دموکراتیک کنگو جمهوریتی‌نین دوغوسوندا بیر حبس‌خانایا تشکیل ائدیلن سلاح‌لی سالدیری نتیجه‌سینده 9 نفر حیاتینی ایتیردی، 930 محکوم حبس‌خانا‌دان قاچدی.

اؤلکه‌نین قوزئی کیوو ایالتی‌نین والی‌سی جولیان بالوکو، ایالته باغلی بنی شهرین‌دکی مرکز حبس‌خاناسینا اونلارجا سلاح‌لی شخص طرفین‌دن سالدیری تشکیل ائدیلدیگینی ایفاده ائتدی.

سالدیریدا حبس‌خانانین گوونلیگینی تامین ائدن گوونلیک گوج‌لرین‌دن 8 نفر ایله بیر محکومون حیاتینی ایتیردیگینی و سالدیرقانلاردان 2سینین اؤلدورولدوگونو بیلدیرن بالوکو، حبس‌خانا‌داکی توتوق‌لولاردان یالنیز 36 نفرین قالدیغینی، 930 محکومون ایسه قاچدیغینی بیلدیردی.

سالدیریدا آغیر سلاح‌لارین ایستیفاده ائدیلدیگینه و چاتیشما‌لارین 30 دقیقه سوردوگونه دقت چکن بالوکو، حادثه سونراسی بنی شهرینده کوچه‌یه چیخمانین قاداغان ائدیلدیگینی ایفاده ائتدی.

بالوکو، سالدیرقانلارین کیملیکلرینه باغلی معلومات وئرمه‌دی.

دموکراتیک کنگو جمهوریتینین دوغوسوندا فعالیت گؤسترن چوخ ساییدا سلاح‌لی قروپ وار.