پنتاگون:" قطر ایله امکداشلیق داوام ائده جکدیر"
آمریکا-نین مدافعه ناظرلیگی (پنتاگون) امریکا اردوسونون قطردن ایجرا ائتدیگی افغانیستان، عراق و سوریه-ده کی عملیاتلاریندا هر هانسی دییشیکلیگین گوندمده اولمادیغینی بیلدیردی.
آمریکا-نین مدافعه ناظرلیگی (پنتاگون) امریکا اردوسونون قطردن ایجرا ائتدیگی افغانیستان، عراق و سوریه-ده کی عملیاتلاریندا هر هانسی دییشیکلیگین گوندمده اولمادیغینی بیلدیردی.
پنتاگون سؤزچولریندن مین باشی آدریان رانکین گالووِی آچیقلاماسینا گؤره، آمریکا ساواش اوچاقلاری عراق، سوریه و افغانیستانداکی عملیاتلار چرچیوهسینده قطردن وظیفهلرینی داوام ائتدیریر.
بؤلگهدکی بوتون متفیقلره گرگینلیگی آزالتما و بؤلگهنین تهلوکهسیزلیگی اوچون بیرگه حل یوللاری اوزرینده راضیلیق اوچون چاغیریش ائدن گالووِی بیلدیری کی، آمریکا و کوالیسیون اوراداکی وارلیغیمیزا اوزون زاماندیر وئردیگی دستکدن و بؤلگه تهلوکهسیزلیگینه گؤستردیگی صداقته گؤره قطرلیلره میننتداردیر. قطردکی مؤقع میزی دییشمک کیمی بیر پلانیمیز یوخدور.
پنتاگون افغانیستان، عراق و سوریه ده کی آپاردیغی عملیاتلارین بیر حیصهسینی قطردکی حربی مرکزدن رئاللاشدیریر.
پنتاگونون آچیقلاماسی آمریکا خاریجی ایشلر ناظیری رکس تیلرسونون بعضی عرب اؤلکهلرینین قطر ایله علاقهلرینی دایاندیرماسیندان سونرا راضیلیق اوچون ائتدیگی چاغیریشدان سونرا گلدی.
سعودی عربیستانی، میصر، بحرین، بیرلشمیش عرب امیرلیکلری، یمن، لیبی و مالدیو آدالاری، دونن قطر ایله بوتون دیپلوماتیک علاقهلرینی کسهرک، بو اؤلکه ایله دنیز و هاوا سرحدلرینی باغلامیشدی.
قطرلی دیپلوماتلارا اؤلکهنی ترک ائتمک اوچون 48 ساعت، قطر وطنداشلارینا 14 گون مدت وئریلمیش، قطرین، سعودی عربیستانی لیدئرلیگینده یمن-ده حوصی لره قارشی یارادیلان اولوسلار آراسی کوالیسیونداکی رولونون سونا چاتدیغی بیلدیریلمیشدی.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.