آمریکانین بؤیوک شیرکت‌لری دونالد ترامپا اعتراض ائتدی
موسک، توییتر اوزرین‌دن ائتدیگی آچیقلامادا، "ایقلیم دییشیک‌لیگی گئرچک. پاریس‌دن (راضیلاشماسین‌دان) چکیلمک آمریکا و یا دونیا اوچون یاخشی دئییل." ایفاده‌لرینی ایستیفاده ائتدی
آمریکا‌لی بؤیوک شیرکت‌لرین اوست سویه مودور‌لری (سیو)، آمریکا پرزیدنت دونالد ترامپین اؤلکه‌نی پاریس ایقلیم آنلاشماسین‌دان چکیلمه قرارینا اعتراض ائتدی.
الکتریک‌لی اوتوموبیل اوره تیچی‌سی و انرژی ساخلاما شیرکتی تسلانین سیوی ائلون موسک، توییتر اوزرین‌دن ائتدیگی آچیقلامادا،
"ایقلیم دییشیک‌لیگی گئرچک. پاریس‌دن (راضیلاشماسین‌دان) چکیلمک آمریکا و یا دونیا اوچون یاخشی دئییل." ایفاده‌لرینی ایستیفاده ائتدی.
موسک آیریجا، ترامپین ایقتیصاد شوراسین‌دان دا آیریلدیغینی بیلدیردی.
ائلون موسک، بیر نئچه گون اوّل ائتدیگی آچیقلامادا، ترامپین پاریس آنلاشماسین‌دان چکیلمه قراری آلماسی وضعیتینده آمریکا پرزیدنتی‌نین ایش مصلحت شوراسین‌دان آیریلاجاغینی بیلدیرمیشدی.
ائیلنجه صنایعسی The Walt Disney Company-نین مودیری روبرت ایگر ده، ترامپین مصلحت شوراسین‌دان آیریلان بیر باشقا ایداره‌چی اولدو.
ایگر، توییتر حسابین‌دان،
"پاریس آنلاشماسین‌دان چکیلمه سببیله پرینسیپ اولاراق باشقان‌ین شوراسین‌دان ایستعفا ائتدیم." مساژینی پایلاشدی.
آمریکانین ان بؤیوک یاتیریم بانکلاریندان Goldman Sachs-ین 2006-دان بو یانا مودور اولان لوید بلانکفئین ایسه، ژوئن 2011-جی ایلده بو یانا ایلک دفعه توییتردن پایلاشدی.
پاریس ایقلیم آنلاشماسین‌دان چکیلمه قراری‌نین آمریکانین علیهینه اولدوغونو وورغولایان بلانکفئین،
"بوگونکو قرار، چئوره و آمریکانین دونیا‌داکی لیدر موقعیتی اوچون بیر گئریلمه‌دیر." آچیقلاماسینی ائتدی.
آمریکا‌لی تکنولوژی بؤیوک شیرکتی گوگل‌ون سیوسو ساندار پیچای ده توییتر آچیقلاماسیندا، قرارین اؤزونو خیال قیریق‌لیغینا اوغراتدیغینی ایفاده ائده‌رک،
"گوگل، داها تمیز و ریفاه بیر گله‌جک اوچون محکم ایشه داوام ائده‌جک." آچیقلاماسینی سؤیله‌دی.
آمریکانین ان بؤیوک انرژی شیرکت‌لرین‌دن جنرال الکتریک‌ین سیوسو جف ایملت، توییتردکی پایلاشماسیندا سؤز موضوعسو قرارین اؤزو اوچون خیال قیریق‌لیغی اولدوغونا ایشاره ائده‌رک،
"ایقلیم دییشیک‌لیگی گئرچک. ایندی، صنایع لیدرلیک ائتمه‌لی و حکومته بئل باغلاماما‌لی." ایفاده‌لرینه یئر وئردی.
کنتاکی کؤمور بیرلیگیKCA) ) ایسه ترامپین، آمریکانی پاریس ایقلیم آنلاشماسین‌دان چکمه قرارینی دستکله‌دی.
کنتاکی کؤمور بیرلیگیباشقانی تایلر وایت، ائتدیگی آچیقلامادا، ترامپین سلفی باراک اوباما و حکومتی‌نین آمریکا کونگره‌سی‌نین تصدیقینی آلما‌دان پاریس ایقلیم سازیشینی موذاکیره ائتدیگینه دقتی چکدی و آنلاشمانین، آمریکا خالقینی و اؤلکه‌نین رقابت گوجونو ریسکه آتدیغینی ساووندو
