ترزا می:"بیز آوروپادان دئییل، آوروپا بیرلیگیندن آیریلیریق"
اینگیلترهنین باش ناظیری ترزا می اؤلکهسینین آوروپادان دئییل، آوروپا بیرلیگیندن چیخدیغینی سؤیلهدی.
اینگیلترهنین باش ناظیری ترزا می اؤلکهسینین آوروپادان دئییل، آوروپا بیرلیگیندن چیخدیغینی سؤیلهدی.
می آوروپا بیرلیگینین گلهجگینی دوشونمهسینین دوغرو اولدوغونو، لاکین اینگیلترهنین اهمیتلی بیر طرفداش اولاراق قالماق ایستدیگینی بیلدیردی.
می: "بیز آوروپادان آیریلمیریق، آوروپا بیرلیگیندن آیریلیریق. آوروپا بیرلیگینده کی دیگر 27 اؤلکه ایله طرفداشلیغیمیزی داوام ائتدیرمک ایستییریک. هم احاتهلی سربست تیجارت باخیمینان، هم ده گوونلیک باخیمیندان آوروپانین گئری قالانی ایله امکداشلیق ائتمهیه داوام ائدجییک " دئیه دانیشدی.
ژوئن آیینین 8-ده کئچیریلهجک ارکن سئچیملره آز قالان بیر دؤورده منچستر شهرینده تؤرهدیلن ترور سالدیری سیندان و یاشلیلارا ساغلیق باخیمی اوچون داها چوخ پولون وئرمه لری ایستیقامتینده کی پلانیندان امتنا ائتمک مجبوریتینده قالدیقدان سونرا اینگیلترهنین باش ناظیرینین پوپولیارلیغی آزالدی .
می برکسیت موذاکیرهلرینین 19 ژوئن ده باشلایاجاغینی خاطیرلاداراق سئچیملرده بیر پارتینین چوخلوق الده ائده بیلمهمهسی حالیندا اورتایا چیخاجاق تهلوکهلردن دانیشدی و محافظه کار پارتیسی اوچون گوجلو بیر دستک ایستهدی.
می: "سئچیملردن یالنیز 11 گون سونرا موذاکیرهلر باشلایاجاق،تاخیره سالینماسی مومکون دئییل، گئجیکدیرمهیهجییک" دئدی.