تورکیه-اؤزبکیستان اورتاق ایقتیصادی کومیسیون توپلانتیسی داشکندده ائدیلدی
باش ناظیر کؤمکچیسی توغرول تورکئش توپلانتیدا، ایکی اؤلکه آراسینداکی تیجارت هجمینین آرتیریلماسی لازیم اولدوغونو ایفاده ائتدی
تورکیه-اؤزبکیستان حکومتلرآراسی اورتاق ایقتیصادی کومیسیونونون 4-جو دؤور توپلانتیسی اؤزبکیستانین باشکندی داشکندده ائدیلدی.
باش ناظیر کؤمکچیسی توغرول تورکئش توپلانتیدا، ایکی اؤلکه آراسینداکی تیجارت هجمینین آرتیریلماسی لازیم اولدوغونو ایفاده ائتدی.
ایندییه قدر کئچیریلن گؤروشمهلرده اهمیتلی ایرهلیلمه تامین ائدیلدیگینه دقت چکن تورکئش،
"ایستکلی و علاقهدار ایش آداملاری وار. بیزه دوشن اونلارین اؤنونه آچماق، تیجارت و ایقتیصادی ایرتیباطلاری اینکیشاف ائتدیرهجک آددیملار آتماق" دئدی.
ایقتیصاد ناظیری نیهات زئیبکجی ده، ایقتیصادی و تیجارت ایلیشکیلرین محکم اولماسی حالیندا سیاسی ایلیشکیلرین ده یاخشی اولاجاغینا دقت چکهرک گذشتلی تیجارت راضیلاشماسی ایله باغلی ایشلرین درحال باشلایاجاغینی سؤیلهدی.
مدنیت و توریزم ناظیری نابی آوجی ایسه، تورکیه ایله اؤزبکیستان آراسینداکی توریزم راضیلاشماسینین 1998 ایمضالاندیغینی و یئنیلنمهسی لازیم اولدوغونو قید ائتدی.
اؤزبکیستان آدینا دانیشان باش ناظیر معاوینی روستم آزیموو دا، تورکیهنین مشهور فیرما و شیرکتلرینین اؤزبکیستاندا یاتیریم ائتمهلرینی ممنونیتله قارشیلایاجاغیق سؤیلهدی.
قاریشیق ایقتیصادی مجلیسین توپلانتیسینین آردیندان صنایع، تیجارت و توریزم ساحهلرینده پروتوکوللارا ایمضا آتیلدی، راضیلاشمالار پاراف ائدیلدی.
باش ناظیر یاردیمجیسی توغرول تورکئش و ایقتیصاد ناظیری نیهات زئیبکجی، داشکندده، اولوسلار آراسی امیر تیمور وقفینین آچیلیش مراسیمینه ده قاتیلدی.
تورک امکداشلیق و کووردیناسیون آژانسی باشقانی (تیکا) داشکند نمایندهلیگی طرفیندن ایشلر و تفریشاتی ائدیلن اولوسلار آراسی وقفین آچیلیشیندا تیکا باشقان کؤمکچیسی محمد ثوریّا ائر و تورکیهنین داشکند سفیری احمد باشار سئنی ایله عالیملر و علم آداملاری دا قاتیلدی.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.