اینگیلتره، آمریکا ایله معلومات پایلاشماغی دایاندیردی
اینگیلیس حکومتی و پولیس، حادثه یئرینده چکیلن فوتوشکیل‌لری نوماییش ائدن آمریکا مئدیاسینا اعتراض گؤستردی
اینگیلتره، منچستردکی اینتیحار سالدیریسینا باغلی آمریکا ایله معلومات پایلاشماغی دایاندیردیغینی آچیقلادی.
اینگیلیس حکومتی و پولیس، حادثه یئرینده چکیلن فوتوشکیل‌لری نوماییش hmnk آمریکا مئدیاسینا اعتراض گؤستردی.
ترورلا موباریزه واحیدی مسئول‌لاری، فوتوشکیل‌لرین سیزدیریلماسی‌نین سوروشدورمانی بالتالادیغینی و قوربان‌لارین، شاهیدلری‌نین اعتبارینی سارسیتدیغینی سؤیله‌دی.
اینگیلیس حکومتی مسئولو،
"چوخ اؤفکه‌لیگیک. بو قطعی‌لیکله قبول ائدیله بیلمز" دئدی.
منچستر بلدیه باشقانی آندی بورنهام دا، فوتوشکیل‌لرین مطبوعاتا سیزماسییلا باغلی قایغی‌لارینی آمریکا سفیرینه چاتدیریب‌لار سؤیله‌دی.
ایکی اؤلکه آراسیندا منچستر سالدیرقانییلا باغلی کشفیات سیزدیریلماسییلا باغلی قایغی‌لار داها اوّل ده دیله گتیریلمیشدی.
اینگیلتره ایچ ایشلر ناظیری آمبر رود، آمریکانین، اینتیحار بومباچی‌سی سلمان عبدی‌نین شخصیتینی، سوروشدوران داوام ائدرکن ایفشا ائتمه‌سین‌دن ناراحات‌لیق دویدوغونو ایفاده ائتمیشدی.
رود، واشینگتونا "بیر داها اولماسین" خبردارلیغینی ائتمیشدی.
اما بو خبردارلیغا باخمایا‌راق نیویورک تایمز قزئتی، منچستردکی سالدیریدا حادثه یئرین‌دن چکیلن فوتوشکیل‌لری نوماییش ائتدی.
قزئت فوتوشکیل‌لری، اینگیلیس مسئول‌لاردان آلدیغینی یازدی.
فوتوشکیل‌لرده پارچالانمیش بیر کورک چانتاسی، توپ گولله پارچا‌لاری و 'آتشله‌یجی اولا بیله‌جگی ایفاده ائدیلن بیر جیهاز گؤرولور.
نیویورک تایمزین خبرینده حادثه یئرین‌دکی دلیل‌لرین 'گوجلو، تخریب گوجو یوکسک بیر بومبا و دقت‌لی، نظمی ساریلمیش توپ گله‌سی ایشاره ائتدیگی ایفاده ائدیلیر.
فوتو شکیل داها سونرا اینگیلتره مطبوعاتیندا دا پایلاشیلدی.
عمومی سئچیم کامپانیاسین‌دان اوّل، اینگیلتره پارلامنتی‌نین ایچ ایشلر ناظیرلیگی کومیته‌سی باشقان‌لیغی ائدن مخالیف ایشچی پارتیسین‌دن یوت کووپر، توییتر حسابین‌دان،
"سوروشدورما داوام ائدرکن آمریکانین اینگیلتره‌نین وئردیگی کشفیاتی پایلاشماسین‌دان چوخ راحت‌سیزیم. جمعیت امنیتی تهلوکه‌ده. نلر اولور؟" مساژی پایلاشدی.
بازار ارته‌سی گئجه‌سی منچستر آرئناداکی بیر کونسرتده تشکیل ائدیلن اینتیحار سالدیریسیندا 22 نفر اؤلموش، 64 نفر ده یارالانمیشدی.
